Burynǵy Májilis depýtaty, Qazaqstannyń eńbek sińirgen ártisi Bekbolat Tileýhan jýrnalist Aman Tasyǵanǵa bergen suhbatynda jeke ómiri men otbasy týraly sóz qozǵady, dep habarlaidy ult.kz, qazaqshanews-qa silteme qaldyryp.
Óner iesi úsh jubaiy men balalary jaily kópshilik aldynda egjei-tegjeili aitýdy qup kórmeitinin jetkizdi. Onyń sózinshe, bul taqyryp birneshe adamnyń kóńiline tiiýi múmkin.
«Tósegimdegi áńgimeni aitpai-aq qoiaiyqshy. Raýshan, Kenje, Janar - balalarymnyń analary. Men olardyń bárin qurmetteimin. Qazir birdeńe aitsam, balamnyń kóńiline tiedi, Raýshannyń týystary bar, olardyń kóńiline tiedi, Kenjeniń kóńiline tiedi, Janardyń kóńiline tiedi», - dedi Bekbolat Tileýhan.
Suhbat barysynda jýrnalist odan: «Ómirge qaita kelseńiz, taǵy da úsh ret úilener me edińiz?» - dep surady.
Bekbolat Tileýhan bul suraqqa ótken ómirine ókinbeitinin aityp jaýap berdi.
«Bul - meniń taǵdyrym. Kommýnist Baýmannyń “ekinshi ret ómirge kelsem de, osy jolmen júrer edim” degen sózi bar. Sol siiaqty Alla taǵala maǵan imandy, altyndai qazaqtyń qyzdaryn jar etip násip etti. Árqaisynyń óz orny bar», - dedi ol.
Sonymen qatar eks-depýtat balalarynyń ózge ult ókilderimen otbasyn qurýyna qarsy emes ekenin aitty. Alaida bolashaq jarlarynyń musylman bolǵanyn qalaitynyn jetkizdi.
Bekbolat Tileýhan balalarynyń mamandyq tańdaýy men dini ustanymyna qysym jasamaitynyn da atap ótti.
