Milliardtaǵan qarjy urlady degen kúdikpen «Samsung Electronics» kompaniiasynyń burynǵy qyzmetkeri AQSh-tan Qazaqstanǵa qaitaryldy, dep habarlaidy QR Bas prokýratýrasy Feisbýktegi paraqshasynda.
«Atalǵan kompaniianyń burynǵy qyzmetkeri T.J. Naýryzbaevty elge qaitarý Qazaqstan Respýblikasynyń Bas prokýratýrasy men AQSh Ádilet departamentiniń Tergeý federaldy biýrosy arasyndaǵy yntymaqtastyǵynyń nátijesinde múmkin boldy. T.J.Naýryzbaev 4 mln astam dollardy qoldy qylǵan», - delingen habarlamada.
Bas prokýratýranyń habarlaýynsha, taraptardyń úilesimdi jumysynyń arqasynda jábirlenýshi kompaniiaǵa qarajatynyń kóp bóligi (2,7 mln AQSh dollar) óndirilgen.
Ótken jyldyń sońynda Naýryzbaev Qazaqstanǵa AQSh-tan deportatsiialandy. Ol biylǵy jyldyń aqpan aiynda Medeý aýdandyq sottyń úkimimen Qylmystyq kodekstiń 190-babynyń 4-bóligi 2-tarmaǵymen kináli dep tanylyp, 5 jylǵa bas bostandyǵynan aiyryldy.
