ميللياردتاعان قارجى ۇرلادى دەگەن كٷدٸكپەن «Samsung Electronics» كومپانيياسىنىڭ بۇرىنعى قىزمەتكەرٸ اقش-تان قازاقستانعا قايتارىلدى, دەپ حابارلايدى قر باس پروكۋراتۋراسى فەيسبۋكتەگٸ پاراقشاسىندا.
«اتالعان كومپانييانىڭ بۇرىنعى قىزمەتكەرٸ ت.ج. ناۋرىزباەۆتى ەلگە قايتارۋ قازاقستان رەسپۋبليكاسىنىڭ باس پروكۋراتۋراسى مەن اقش ەدٸلەت دەپارتامەنتٸنٸڭ تەرگەۋ فەدەرالدى بيۋروسى اراسىنداعى ىنتىماقتاستىعىنىڭ نەتيجەسٸندە مٷمكٸن بولدى. ت.ج.ناۋرىزباەۆ 4 ملن استام دوللاردى قولدى قىلعان», - دەلٸنگەن حابارلامادا.
باس پروكۋراتۋرانىڭ حابارلاۋىنشا, تاراپتاردىڭ ٷيلەسٸمدٸ جۇمىسىنىڭ ارقاسىندا جەبٸرلەنۋشٸ كومپانيياعا قاراجاتىنىڭ كٶپ بٶلٸگٸ (2,7 ملن اقش دوللار) ٶندٸرٸلگەن.
ٶتكەن جىلدىڭ سوڭىندا ناۋرىزباەۆ قازاقستانعا اقش-تان دەپورتاتسييالاندى. ول بيىلعى جىلدىڭ اقپان ايىندا مەدەۋ اۋداندىق سوتتىڭ ٷكٸمٸمەن قىلمىستىق كودەكستٸڭ 190-بابىنىڭ 4-بٶلٸگٸ 2-تارماعىمەن كٸنەلٸ دەپ تانىلىپ, 5 جىلعا باس بوستاندىعىنان ايىرىلدى.
