Foto: Stan.kz
Kýala-Lýmpýrda Qytaidyń Xiamen ýniversitetiniń 17 jastaǵy stýdenti, qazaqstandyq Nurai Qadir pnevmoniiadan qaitys boldy. Qazaqstannyń syrtqy ister ministrligi Nuraidyń Malaiziia aýrýhanasynda qaitys bolýyna qatysty tergeý bastalǵanyn rastady. Bul týraly Ult.kz, Stan.kz aqparat agenttigine silteme jasap habarlaidy.
Qazaqstandyq Nurai Qadir Kýala-Lýmpýr mańyndaǵy Sepang qalasyndaǵy Qytaidyń Xiamen ýniversitetinde bilim alǵan. 21 jeltoqsanda ol anasyna habarlasyp, ystyǵy kóterilip, aýyryp jatqanyn aitqan. Jeltoqsan aiynyń sońynda Nuraidyń anasyna 17 jastaǵy qyzynyń pnevmoniiadan qaitys bolǵany týraly sýyq habar jetken.
Syrtqy ister ministrligi Qazaqstan elshiliginiń qyzmetkerleri aýrýhana basshylyǵymen únemi bailanysta ekenin málimdedi.
“Aýrýhanada otandasymyzdyń ólimine qatysty qyzmettik tekserý júrgizilip jatyr. Qorytyndysy marqumnyń anasyna beriledi. Marqumnyń týystaryna máiitti tasymaldaýǵa kómek berildi. Elshilik qyzmetkerleri Nuraidyń oqyǵan ýniversitetimen bailanysta”, – dep málimdedi syrtqy ister ministrligi.
Nuraidyń anasynyń aitýynsha, meditsina qyzmetkerleri qyzyna der kezinde kómek kórsetpegen. Ol qyzynyń ólimine aýrýhana dárigerleri kináli dep otyr. Ol pýlmonologty shaqyrmai, kompiýterlik tomografiia men taldaý jasamady dep aiyptaidy. Qońyraý Rojdestvo merekesinde túsken. Al dárigerler jumys istegisi kelmegen deidi. Ol kinálilerdiń jaýapqa tartylýyn talap etedi.
Sondai-aq ol qyzynyń ólimine ne sebep bolǵanyn anyqtap, kinálilerdi tabý úshin qyzynyń synyptastaryna habarlasqan. Marqumnyń tanystary ýniversitet ókilderiniń ózderin qorqytyp jatqanyn aitqan.
“Nurai aýyryp, áli ketip júrgenin bilim berý mekemesiniń ákimshiligine aitqan. Alaida olar jedel járdem shaqyryp, emdeý mekemesine barýǵa esh negiz joq ekenin jetkizgen. Emhanaǵa joldamany tek 3 kúnnen keiin berdi. Al meditsina qyzmetkerleri kelgende bári kesh boldy”, – deidi Nuraidyń tanystary.
Olar bilim mekemesiniń basshylyǵy óz kinásin jasyrýǵa tyrysyp jatyr dep sanaidy.
Osylaisha Nurai jekemenshik emhanalardyń birinde kóz jumdy. Bolǵan jaǵdaida barynsha nazar aýdartýǵa tyrysyp jatqan stýdentterdi ýniversitet ókilderi “jala jabý” isi boiynsha sotqa beremiz dep qorqytqan.
“Ýniversitet basshylyǵynyń sonda oqyp jatqan qazaqtarǵa kelgende teris kózqarasta ekenin baiqadyq. Qazir Qazaqstannyń úsh azamaty aýrýhanada jatyr. Biraq olardyń jaǵdaiy ýniversitet basshylyǵyn esh alańdatpaidy”, – deidi stýdentter.
Syrtqy ister ministrliginiń málimetinshe, qazir Qazaqstannyń 63 stýdenti Malaiziiadaǵy Elshiliginiń konsýldyq esebinde tirkelgen. Sondai-aq ondaǵy tirkeý erikti túrde júredi jáne eshqandai mindettemelerdi meńzemeidi deidi vedomstvodaǵylar.
