فوتو: Stan.kz
كۋالا-لۋمپۋردا قىتايدىڭ Xiamen ۋنيۆەرسيتەتٸنٸڭ 17 جاستاعى ستۋدەنتٸ, قازاقستاندىق نۇراي قادٸر پنەۆمونييادان قايتىس بولدى. قازاقستاننىڭ سىرتقى ٸستەر مينيسترلٸگٸ نۇرايدىڭ مالايزييا اۋرۋحاناسىندا قايتىس بولۋىنا قاتىستى تەرگەۋ باستالعانىن راستادى. بۇل تۋرالى Ult.kz, Stan.kz اقپارات اگەنتتٸگٸنە سٸلتەمە جاساپ حابارلايدى.
قازاقستاندىق نۇراي قادٸر كۋالا-لۋمپۋر ماڭىنداعى سەپانگ قالاسىنداعى قىتايدىڭ Xiamen ۋنيۆەرسيتەتٸندە بٸلٸم العان. 21 جەلتوقساندا ول اناسىنا حابارلاسىپ, ىستىعى كٶتەرٸلٸپ, اۋىرىپ جاتقانىن ايتقان. جەلتوقسان ايىنىڭ سوڭىندا نۇرايدىڭ اناسىنا 17 جاستاعى قىزىنىڭ پنەۆمونييادان قايتىس بولعانى تۋرالى سۋىق حابار جەتكەن.
سىرتقى ٸستەر مينيسترلٸگٸ قازاقستان ەلشٸلٸگٸنٸڭ قىزمەتكەرلەرٸ اۋرۋحانا باسشىلىعىمەن ٷنەمٸ بايلانىستا ەكەنٸن مەلٸمدەدٸ.
“اۋرۋحانادا وتانداسىمىزدىڭ ٶلٸمٸنە قاتىستى قىزمەتتٸك تەكسەرۋ جٷرگٸزٸلٸپ جاتىر. قورىتىندىسى مارقۇمنىڭ اناسىنا بەرٸلەدٸ. مارقۇمنىڭ تۋىستارىنا مەيٸتتٸ تاسىمالداۋعا كٶمەك بەرٸلدٸ. ەلشٸلٸك قىزمەتكەرلەرٸ نۇرايدىڭ وقىعان ۋنيۆەرسيتەتٸمەن بايلانىستا”, – دەپ مەلٸمدەدٸ سىرتقى ٸستەر مينيسترلٸگٸ.
نۇرايدىڭ اناسىنىڭ ايتۋىنشا, مەديتسينا قىزمەتكەرلەرٸ قىزىنا دەر كەزٸندە كٶمەك كٶرسەتپەگەن. ول قىزىنىڭ ٶلٸمٸنە اۋرۋحانا دەرٸگەرلەرٸ كٸنەلٸ دەپ وتىر. ول پۋلمونولوگتى شاقىرماي, كومپيۋتەرلٸك توموگرافييا مەن تالداۋ جاسامادى دەپ ايىپتايدى. قوڭىراۋ روجدەستۆو مەرەكەسٸندە تٷسكەن. ال دەرٸگەرلەر جۇمىس ٸستەگٸسٸ كەلمەگەن دەيدٸ. ول كٸنەلٸلەردٸڭ جاۋاپقا تارتىلۋىن تالاپ ەتەدٸ.
سونداي-اق ول قىزىنىڭ ٶلٸمٸنە نە سەبەپ بولعانىن انىقتاپ, كٸنەلٸلەردٸ تابۋ ٷشٸن قىزىنىڭ سىنىپتاستارىنا حابارلاسقان. مارقۇمنىڭ تانىستارى ۋنيۆەرسيتەت ٶكٸلدەرٸنٸڭ ٶزدەرٸن قورقىتىپ جاتقانىن ايتقان.
“نۇراي اۋىرىپ, ەلٸ كەتٸپ جٷرگەنٸن بٸلٸم بەرۋ مەكەمەسٸنٸڭ ەكٸمشٸلٸگٸنە ايتقان. الايدا ولار جەدەل جەردەم شاقىرىپ, ەمدەۋ مەكەمەسٸنە بارۋعا ەش نەگٸز جوق ەكەنٸن جەتكٸزگەن. ەمحاناعا جولدامانى تەك 3 كٷننەن كەيٸن بەردٸ. ال مەديتسينا قىزمەتكەرلەرٸ كەلگەندە بەرٸ كەش بولدى”, – دەيدٸ نۇرايدىڭ تانىستارى.
ولار بٸلٸم مەكەمەسٸنٸڭ باسشىلىعى ٶز كٸنەسٸن جاسىرۋعا تىرىسىپ جاتىر دەپ سانايدى.
وسىلايشا نۇراي جەكەمەنشٸك ەمحانالاردىڭ بٸرٸندە كٶز جۇمدى. بولعان جاعدايدا بارىنشا نازار اۋدارتۋعا تىرىسىپ جاتقان ستۋدەنتتەردٸ ۋنيۆەرسيتەت ٶكٸلدەرٸ “جالا جابۋ” ٸسٸ بويىنشا سوتقا بەرەمٸز دەپ قورقىتقان.
“ۋنيۆەرسيتەت باسشىلىعىنىڭ سوندا وقىپ جاتقان قازاقتارعا كەلگەندە تەرٸس كٶزقاراستا ەكەنٸن بايقادىق. قازٸر قازاقستاننىڭ ٷش ازاماتى اۋرۋحانادا جاتىر. بٸراق ولاردىڭ جاعدايى ۋنيۆەرسيتەت باسشىلىعىن ەش الاڭداتپايدى”, – دەيدٸ ستۋدەنتتەر.
سىرتقى ٸستەر مينيسترلٸگٸنٸڭ مەلٸمەتٸنشە, قازٸر قازاقستاننىڭ 63 ستۋدەنتٸ مالايزيياداعى ەلشٸلٸگٸنٸڭ كونسۋلدىق ەسەبٸندە تٸركەلگەن. سونداي-اق ونداعى تٸركەۋ ەرٸكتٸ تٷردە جٷرەدٸ جەنە ەشقانداي مٸندەتتەمەلەردٸ مەڭزەمەيدٸ دەيدٸ ۆەدومستۆوداعىلار.
