Úndistanda koronavirýs juqtyrýshylardyń táýliktik ósimi rekordtyq kórsetkishke jetti, dep habarlaidy Deutsche Welle.
Ótken táýlikte elde koronavirýstyń jańa túrin juqtyrýdyń 200 739 jaǵdaiy tirkeldi. Bul – pandemiia bastalǵaly Úndistanda bir kún ishinde tirkelgen infektsiia juqtyrýshylardyń eń joǵary kórsetkishi.
Elde aýrýǵa shaldyǵýshylar sanynyń ósimi osymen 36-kún baiqalýda. Úndistanda virýs juqtyrýshylardyń jalpy sany 14 milionnan asty.
El astanasy Niý-Delide onnan astam qonaq úi men banket zalyn aýrýhanalar janyndaǵy COVID-19 ortalyqtaryna ainaldyrý josparlanýda. Sondai-aq Mýmbaida virýstyń taralýyn tejeý boiynsha jańa sharalar qabyldandy. Qalanyń kóptegen kásiporyndary men qoǵamdyq oryndary jabyldy, adamdardyń júrip-turýyna 15 kúnge shekteý qoiyldy.
Sonymen qatar eldiń Densaýlyq saqtaý ministrligi sońǵy táýlikte koronavirýstan bolǵan 1038 ólim jaǵdaiy týraly habarlady. COVID-19 virýsynan kóz jumǵandardyń jalpy sany – 173 123 adam.
Úndistan aýrý juqtyrýshylardyń jalpy sany boiynsha álemde AQSh-tan keiingi ekinshi orynda. Al koronavirýstan bolǵan ólim jaǵdailarynyń sany boiynsha AQSh, Braziliia men Meksikadan keiingi tórtinshi orynda.
