ٷندٸستاندا كوروناۆيرۋس جۇقتىرۋشىلاردىڭ تەۋلٸكتٸك ٶسٸمٸ رەكوردتىق كٶرسەتكٸشكە جەتتٸ, دەپ حابارلايدى Deutsche Welle.
ٶتكەن تەۋلٸكتە ەلدە كوروناۆيرۋستىڭ جاڭا تٷرٸن جۇقتىرۋدىڭ 200 739 جاعدايى تٸركەلدٸ. بۇل – پاندەمييا باستالعالى ٷندٸستاندا بٸر كٷن ٸشٸندە تٸركەلگەن ينفەكتسييا جۇقتىرۋشىلاردىڭ ەڭ جوعارى كٶرسەتكٸشٸ.
ەلدە اۋرۋعا شالدىعۋشىلار سانىنىڭ ٶسٸمٸ وسىمەن 36-كٷن بايقالۋدا. ٷندٸستاندا ۆيرۋس جۇقتىرۋشىلاردىڭ جالپى سانى 14 ميليوننان استى.
ەل استاناسى نيۋ-دەليدە وننان استام قوناق ٷي مەن بانكەت زالىن اۋرۋحانالار جانىنداعى COVID-19 ورتالىقتارىنا اينالدىرۋ جوسپارلانۋدا. سونداي-اق مۋمبايدا ۆيرۋستىڭ تارالۋىن تەجەۋ بويىنشا جاڭا شارالار قابىلداندى. قالانىڭ كٶپتەگەن كەسٸپورىندارى مەن قوعامدىق ورىندارى جابىلدى, ادامداردىڭ جٷرٸپ-تۇرۋىنا 15 كٷنگە شەكتەۋ قويىلدى.
سونىمەن قاتار ەلدٸڭ دەنساۋلىق ساقتاۋ مينيسترلٸگٸ سوڭعى تەۋلٸكتە كوروناۆيرۋستان بولعان 1038 ٶلٸم جاعدايى تۋرالى حابارلادى. COVID-19 ۆيرۋسىنان كٶز جۇمعانداردىڭ جالپى سانى – 173 123 ادام.
ٷندٸستان اۋرۋ جۇقتىرۋشىلاردىڭ جالپى سانى بويىنشا ەلەمدە اقش-تان كەيٸنگٸ ەكٸنشٸ ورىندا. ال كوروناۆيرۋستان بولعان ٶلٸم جاعدايلارىنىڭ سانى بويىنشا اقش, برازيلييا مەن مەكسيكادان كەيٸنگٸ تٶرتٸنشٸ ورىندا.
