Maharashta shtatyndaǵy aýrýhanada bolǵan órt kezinde 10 náreste qaza tapty, dep habarlaidy NDTV telearnasy.
Telearna habarlaýynsha, órt senbi kúni 02:00 shamasynda Bhandara okrýgindegi aýrýhananyń jańa týǵan nárestelerge kútim jasaý bóliminde bastalǵan. Sol sátte aýrýhanada 17 sábi bolǵan.
Qutqarýshylar jeti náresteni aman alyp qaldy, biraq olardyń arasynda zardap shekkender bar. Al kishisiniń týǵanyna birneshe kún bolǵan, úlkeni úsh ailyq 10 bala gazdan ýlanyp, kóz jumdy. Órttiń shyǵý sebebi anyqtalyp jatyr. Boljam boiynsha, elektr jelisiniń qysqa tuiyqtalýy sebep bolǵan.
Úndistannyń premer-ministri Narendra Modi qaiǵyly oqiǵaǵa bailanysty kóńil aitty.
«Maharashtra shtaty, Bhandarada óte qaiǵyly oqiǵa bolyp, biz nárestelerimizden aiyryldyq. Men qaza tapqandardyń otbasymen birgemin. Zardap shekkender tez arada saýyǵyp ketedi dep úmittenemin», - dep jazdy premer óziniń Twitter paraqshasynda.
