ماحاراشتا شتاتىنداعى اۋرۋحانادا بولعان ٶرت كەزٸندە 10 نەرەستە قازا تاپتى, دەپ حابارلايدى NDTV تەلەارناسى.
تەلەارنا حابارلاۋىنشا, ٶرت سەنبٸ كٷنٸ 02:00 شاماسىندا بحاندارا وكرۋگٸندەگٸ اۋرۋحانانىڭ جاڭا تۋعان نەرەستەلەرگە كٷتٸم جاساۋ بٶلٸمٸندە باستالعان. سول سەتتە اۋرۋحانادا 17 سەبي بولعان.
قۇتقارۋشىلار جەتٸ نەرەستەنٸ امان الىپ قالدى, بٸراق ولاردىڭ اراسىندا زارداپ شەككەندەر بار. ال كٸشٸسٸنٸڭ تۋعانىنا بٸرنەشە كٷن بولعان, ٷلكەنٸ ٷش ايلىق 10 بالا گازدان ۋلانىپ, كٶز جۇمدى. ٶرتتٸڭ شىعۋ سەبەبٸ انىقتالىپ جاتىر. بولجام بويىنشا, ەلەكتر جەلٸسٸنٸڭ قىسقا تۇيىقتالۋى سەبەپ بولعان.
ٷندٸستاننىڭ پرەمەر-مينيسترٸ نارەندرا مودي قايعىلى وقيعاعا بايلانىستى كٶڭٸل ايتتى.
«ماحاراشترا شتاتى, بحاندارادا ٶتە قايعىلى وقيعا بولىپ, بٸز نەرەستەلەرٸمٸزدەن ايىرىلدىق. مەن قازا تاپقانداردىڭ وتباسىمەن بٸرگەمٸن. زارداپ شەككەندەر تەز ارادا ساۋىعىپ كەتەدٸ دەپ ٷمٸتتەنەمٸن», - دەپ جازدى پرەمەر ٶزٸنٸڭ Twitter پاراقشاسىندا.
