«Diplommen aýylǵa!» baǵdarlamasy aiasynda turǵyn úi kreditin alǵan 2 532 maman mindetti merzimin ótemei, aýyldan ketken. Bul týraly Quryltai otyrysynda «Aýyl» partiiasynyń ókili Shahmardan Baimanov málimdedi, dep habarlaidy ult.kz.
Depýtattyń aitýynsha, baǵdarlama iske qosylǵaly 55 237 maman turǵyn úi kreditin alǵan. Olardyń 95,4 paiyzy úsh jyldyq mindettemesin oryndaǵan. Alaida aýylda turaqtap qalǵandar sany – 43 384 maman nemese 82,3 paiyz.
Sonymen qatar 9 321 maman mindetti merzimin aiaqtaǵannan keiin aýyldan kóshken, al 2 532 adam kelisimshart talaptaryn merziminen buryn buzǵan.
Osyǵan bailanysty fraktsiia depýtattary Úkimetke jas mamandardy aýylda uzaq merzimge turaqtandyrý jóninde usynystar joldady. Olar kadr qajettiligin aldyn ala josparlaýdy, jumys oryndary men turǵyn úi múmkindikterin bailanystyrýdy jáne memlekettik qoldaýdyń tiimdiligin baǵalaýdy usyndy.
«Biz jańa baǵdarlama nemese qosymsha qarjy suramaimyz. Maqsatymyz – qoldanystaǵy memlekettik qoldaýdyń tiimdiligin arttyrý. Eń bastysy – jastardyń aýylda turaqty jumys istep, óz bolashaǵyn qurýyna jaǵdai jasaý», – dedi Shahmardan Baimanov.
