Temirtaýda múgedektigi bar adamdarǵa is júzinde qyzmet kórsetpegen jeke kómekshiler biýdjetten 5 mln teńgeden astam qarajat alǵan. Zańsyz tólemderdi prokýratýra anyqtady, dep habarlaidy ult.kz.
Tekserý barysynda keibir kómekshilerdiń qyzmet kórsetý aktilerin jalǵan rásimdegeni, tipti shetelde júrgen kúnderin de jumys ýaqytyna qosqany belgili boldy.
Máselen, jeke kómekshilerdiń biri 2026 jylǵy sáýirde 240 saǵat qyzmet kórsetkeni týraly akt tapsyrǵan. Alaida 16-24 sáýir aralyǵynda Túrkiianyń Ystanbul qalasynda bolǵan.
Prokýratýranyń málimetinshe, zańsyz tólengen qarajatty alǵan jeke kómekshiler múgedektigi bar adamdardyń týystary bolyp shyqqan. Qadaǵalaý sharalarynan keiin olar aqshany memleketke erikti túrde qaitardy.
