Úndistan men Pákistan áskerileri Kashmirdegi daýly shekara boiynda oq atýdy toqtatýǵa kelisti. Bul týraly Úndistan jáne Pákistan áskeri operatsiiasy Bas shtabynyń birlesken málimdemesinde aitylady, dep habarlaidy "Ult aqparat" Reuters aqparattyq agenttigine silteme jasap.
Taraptar eki el baqylaýyndaǵy aýdandardy bóletin jelide (Line of Control; LOC) atystardy toqtatý boiynsha kelissózder júrgizilip jatqanyn aitty.
Úndistan men Pákistan ókili baqylaý jáne basqa da saladaǵy jaǵdaidy baǵalap, problemalar men kelispeýshilikterdi sheshýge ózara kúsh salýǵa kelisti.
"Eki tarap 2021 jyly aqpannyń 24-nen 25-ne qaraǵan túninen bastap baqylaý syzyǵy boiynda jáne barlyq basqa ýchaskede atysty toqtatý týraly kelisimderdi qatań saqtaýǵa kelisti", - delingen birlesken málimdemede.
Kashmirdegi saiasatkerler atysty toqtatý mindettemesin quptaitynyn aitty.
"Eki el de zorlyq-zombylyq pen qantógistiń sheksiz ainalymyn toqtatqysy kelse, ortaq dialog ornatý - jalǵyz sheshim", - dedi Ulttyq demokratiialyq partiia múshesi Djammý men Kashmir Mehbýba Mýfti.
Eki iadrolyq derjava 1947 jyly ulybritaniialyq otarshyl ústemdikten táýelsizdik alǵannan beri Kashmirdegi egemendik týraly daý-damaiǵa bailanysty úsh ret soǵys júrgizdi. Buǵan deiin úndi áskeri kúshteri Pákistannyń arnaiy qyzmetterine erotikalyq fotosýretter ornyna memlekettik qupiiany bergeni týraly habarlanǵan edi.
