ٷندٸستان مەن پەكٸستان ەسكەريلەرٸ كاشميردەگٸ داۋلى شەكارا بويىندا وق اتۋدى توقتاتۋعا كەلٸستٸ. بۇل تۋرالى ٷندٸستان جەنە پەكٸستان ەسكەري وپەراتسيياسى باس شتابىنىڭ بٸرلەسكەن مەلٸمدەمەسٸندە ايتىلادى, دەپ حابارلايدى "ۇلت اقپارات" Reuters اقپاراتتىق اگەنتتٸگٸنە سٸلتەمە جاساپ.
تاراپتار ەكٸ ەل باقىلاۋىنداعى اۋدانداردى بٶلەتٸن جەلٸدە (Line of Control; LOC) اتىستاردى توقتاتۋ بويىنشا كەلٸسسٶزدەر جٷرگٸزٸلٸپ جاتقانىن ايتتى.
ٷندٸستان مەن پەكٸستان ٶكٸلٸ باقىلاۋ جەنە باسقا دا سالاداعى جاعدايدى باعالاپ, پروبلەمالار مەن كەلٸسپەۋشٸلٸكتەردٸ شەشۋگە ٶزارا كٷش سالۋعا كەلٸستٸ.
"ەكٸ تاراپ 2021 جىلى اقپاننىڭ 24-نەن 25-نە قاراعان تٷنٸنەن باستاپ باقىلاۋ سىزىعى بويىندا جەنە بارلىق باسقا ۋچاسكەدە اتىستى توقتاتۋ تۋرالى كەلٸسٸمدەردٸ قاتاڭ ساقتاۋعا كەلٸستٸ", - دەلٸنگەن بٸرلەسكەن مەلٸمدەمەدە.
كاشميردەگٸ ساياساتكەرلەر اتىستى توقتاتۋ مٸندەتتەمەسٸن قۇپتايتىنىن ايتتى.
"ەكٸ ەل دە زورلىق-زومبىلىق پەن قانتٶگٸستٸڭ شەكسٸز اينالىمىن توقتاتقىسى كەلسە, ورتاق ديالوگ ورناتۋ - جالعىز شەشٸم", - دەدٸ ۇلتتىق دەموكراتييالىق پارتييا مٷشەسٸ دجاممۋ مەن كاشمير مەحبۋبا مۋفتي.
ەكٸ يادرولىق دەرجاۆا 1947 جىلى ۇلىبريتانييالىق وتارشىل ٷستەمدٸكتەن تەۋەلسٸزدٸك العاننان بەرٸ كاشميردەگٸ ەگەمەندٸك تۋرالى داۋ-دامايعا بايلانىستى ٷش رەت سوعىس جٷرگٸزدٸ. بۇعان دەيٸن ٷندٸ ەسكەري كٷشتەرٸ پەكٸستاننىڭ ارنايى قىزمەتتەرٸنە ەروتيكالىق فوتوسۋرەتتەر ورنىنا مەملەكەتتٸك قۇپييانى بەرگەنٸ تۋرالى حابارلانعان ەدٸ.
