72 jastaǵy qart Sársenbai Qotyrashov elimizde qymyz meiramynyń qaita jandanýyn usyndy, dep habarlaidy QazAqparat.
«Dúniejúzinde jylqyny birinshi bolyp qolǵa úiretken – qazaq halqy. Bie saýyp, qymyz ashytyp, qymyz ishýdi bastaǵan da qazaq. Osydan 5 myń jyl buryn qymyz meiramy paida bolǵan. Elimizde qymyz meiramy Qazan tóńkerisine deiin toilanyp keldi. Keiin tyiym salyndy. Kezinde Naýryz meiramy sekildi umytylyp ketti. Eshkim bile qoimaidy, biletinder biren-saran ǵana. Osy oraida qymyz meiramyn qaita jandandyratyn ýaqyt keldi», - deidi Sársenbai Qotyrashov.
Aqsaqal elimizde qymyzmuryndyq meiramynyń resmi belgilengenin durys sanaidy.
«Sársenbai atamyz sportpen shuǵyldanyp, jaiaý júrýge arnaiy daiyndalmaǵan. Biraq eldi jaiaý aralaýdy burynnan josparlap kelgen. Jai ǵana aralap qoimaidy, atamyzdyń óz maqsaty bar. Elimizdegi qolóner sheberleriniń basyn qosyp, tizimin jasaǵysy keledi. Bul kisi ózi zerger. Qazir qolynda 418 qolóner sheberiniń tizimi bar. Eger tizim 1 myńǵa jetse IýNESKO qolóner sheberlerine arnalǵan arnaiy sait ashyp beredi. Sol arqyly otandyq zergerler óz ónimderin shetelge usynyp, sata alady», - dedi 72 jastaǵy qarttyń kómekshisi Baqtiiar Qojahmetov.
Buǵan deiin ulytaýlyq qart Sársenbai Qotyrashovtyń Qazaqstandy jaiaý aralap júrgenin habarlaǵan bolatynbyz.
Aqsaqal 4 myń shaqyrymdy jaiaý baǵyndyryp búgin elordaǵa jetti.
