72 جاستاعى قارت سەرسەنباي قوتىراشوۆ ەلٸمٸزدە قىمىز مەيرامىنىڭ قايتا جاندانۋىن ۇسىندى, دەپ حابارلايدى قازاقپارات.
«دٷنيەجٷزٸندە جىلقىنى بٸرٸنشٸ بولىپ قولعا ٷيرەتكەن – قازاق حالقى. بيە ساۋىپ, قىمىز اشىتىپ, قىمىز ٸشۋدٸ باستاعان دا قازاق. وسىدان 5 مىڭ جىل بۇرىن قىمىز مەيرامى پايدا بولعان. ەلٸمٸزدە قىمىز مەيرامى قازان تٶڭكەرٸسٸنە دەيٸن تويلانىپ كەلدٸ. كەيٸن تىيىم سالىندى. كەزٸندە ناۋرىز مەيرامى سەكٸلدٸ ۇمىتىلىپ كەتتٸ. ەشكٸم بٸلە قويمايدى, بٸلەتٸندەر بٸرەن-ساران عانا. وسى ورايدا قىمىز مەيرامىن قايتا جانداندىراتىن ۋاقىت كەلدٸ», - دەيدٸ سەرسەنباي قوتىراشوۆ.
اقساقال ەلٸمٸزدە قىمىزمۇرىندىق مەيرامىنىڭ رەسمي بەلگٸلەنگەنٸن دۇرىس سانايدى.
«سەرسەنباي اتامىز سپورتپەن شۇعىلدانىپ, جاياۋ جٷرۋگە ارنايى دايىندالماعان. بٸراق ەلدٸ جاياۋ ارالاۋدى بۇرىننان جوسپارلاپ كەلگەن. جاي عانا ارالاپ قويمايدى, اتامىزدىڭ ٶز ماقساتى بار. ەلٸمٸزدەگٸ قولٶنەر شەبەرلەرٸنٸڭ باسىن قوسىپ, تٸزٸمٸن جاساعىسى كەلەدٸ. بۇل كٸسٸ ٶزٸ زەرگەر. قازٸر قولىندا 418 قولٶنەر شەبەرٸنٸڭ تٸزٸمٸ بار. ەگەر تٸزٸم 1 مىڭعا جەتسە يۋنەسكو قولٶنەر شەبەرلەرٸنە ارنالعان ارنايى سايت اشىپ بەرەدٸ. سول ارقىلى وتاندىق زەرگەرلەر ٶز ٶنٸمدەرٸن شەتەلگە ۇسىنىپ, ساتا الادى», - دەدٸ 72 جاستاعى قارتتىڭ كٶمەكشٸسٸ باقتييار قوجاحمەتوۆ.
بۇعان دەيٸن ۇلىتاۋلىق قارت سەرسەنباي قوتىراشوۆتىڭ قازاقستاندى جاياۋ ارالاپ جٷرگەنٸن حابارلاعان بولاتىنبىز.
اقساقال 4 مىڭ شاقىرىمدى جاياۋ باعىندىرىپ بٷگٸن ەلورداعا جەتتٸ.
