باسپانانىڭ شىن يەسٸ تٷرمەدە جازاسىن ٶتەپ جاتقاندا, الاياق ونىڭ پەتەرٸن ساتىپ, اقشاسىن جۇمساپ جٸبەرگەن. سوت ونى باس بوستاندىعىنان ايىرۋعا ٷكٸم شىعارعانىمەن, جازانى ٶتەۋدٸ كەيٸنگە قالدىردى, دەپ حابارلايدى ult.kz.
«دياپازون» باسىلىمىنىڭ جازۋىنشا, اقتٶبە قالاسىندا ەيەل ٶزٸنە تيەسٸلٸ ەمەس پەتەردٸ 6 ملن 280 مىڭ تەڭگەگە ساتىپ جٸبەرگەن.
وقيعا اقتٶبەلٸك ەر ادامنىڭ مەدينا ەسٸمدٸ ەيەلمەن تانىسۋىنان باستالعان. ەر ادام پەتەر ساتىپ العىسى كەلەتٸنٸن ايتقاندا, ەيەل ەسەت باتىر تۇرعىن الابىنداعى ەكٸ بٶلمەلٸ باسپاناسىن ۇسىنعان. باعاسى 6 ملن 280 مىڭ تەڭگە بولىپ كەلٸسٸلگەن.
ساتىپ الۋشى پەتەردٸ ۇناتىپ, بٸر اپتادان كەيٸن اقشانى تولىق تٶلەگەن. ارتىنشا اتا-اناسىن جاڭا باسپاناعا كٶشٸرٸپ ەكەلگەن. الايدا ەيەل ساتىپ الۋ-ساتۋ شارتىن رەسٸمدەۋدٸڭ ورنىنا جىلجىمايتىن مٷلٸكتٸ قابىلداۋ-تاپسىرۋ اكتٸسٸن بەرگەن.
2026 جىلدىڭ قاڭتارىندا پەتەرگە باسقا ەيەل كەلٸپ, ٶزٸن باسپانانىڭ زاڭدى يەسٸ رەتٸندە تانىستىرعان. كەيٸن سوتقا جٷگٸنٸپ, پەتەرگە ورنالاسقان ادامداردى شىعارۋعا قول جەتكٸزگەن. سٶيتٸپ, ساتىپ الۋشىنىڭ اقشاسىن تٶلەپ العان باسپاناسى ٶزگەنٸڭ مەنشٸگٸ بولىپ شىققان.
بەلگٸلٸ بولعانداي, پەتەردٸڭ شىنايى يەسٸ اتىراۋ وبلىسىنداعى كولونييادا جازاسىن ٶتەپ جاتقان كەزدە كٸلتتەرٸن تانىسىنا قالدىرعان. جازاسىن ٶتەۋدٸ كەيٸنگە قالدىرۋعا رۇقسات العان سوڭ ٷيٸنە ورالماق بولعاندا, باسپاناسىندا بٶتەن ادامدار تۇرىپ جاتقانىن كٶرگەن.
سوت وتىرىسىندا مەدينا كٸنەسٸن مويىنداعان. ول پەتەر ٷشٸن العان اقشانى جۇمساپ قويعانىن جەنە ونى ساتىپ الۋشىعا قايتارا المايتىنىن ايتقان. سونىمەن قاتار ونىڭ بۇعان دەيٸن دە الاياقتىق جاساعانى ٷشٸن سوتتالعانى انىقتالعان. ول كەزدە بالالارىنىڭ بولۋىنا بايلانىستى جازاسىن ٶتەۋ كەيٸنگە قالدىرىلعان.
بۇل جولى سوت ەيەلدٸ باس بوستاندىعىنان ايىرۋعا ٷكٸم شىعاردى. الايدا جازانى ٶتەۋ مەرزٸمٸ تاعى دا كەيٸنگە شەگەرٸلدٸ. وسىلايشا, سوت ٷكٸمٸ جارييالانعاننان كەيٸن ەيەل سوت عيماراتىنان بوستاندىققا شىققان.
