استاناداعى تۇرعىن ٷي كەشەندەرٸنٸڭ بٸرٸندە كٸشكەنتاي قىزعا سەكسۋالدىق سيپاتتا تيٸستٸ دەگەن كٷدٸكپەن ەر ادامعا قاتىستى قىلمىستىق ٸس قوزعالدى, دەپ حابارلايدى ult.kz.
وقيعا تۋرالى قالا تۇرعىنى Threads ەلەۋمەتتٸك جەلٸسٸندە جازىپ, بەينەباقىلاۋ كامەراسىنا تٷسٸپ قالعان ەر ادامنىڭ بەينەسٸن جارييالاعان. ونىڭ ايتۋىنشا, وقيعا «باعىستان-4» تۇرعىن ٷي كەشەنٸنٸڭ اۋماعىندا بولعان.
تۇرعىن ٶز جازباسىندا كەشەندەگٸ قاۋٸپسٸزدٸك مەسەلەسٸنە دە نازار اۋدارعان. ونىڭ سٶزٸنشە, عيمارات 2025 جىلدان بەرٸ پايدالانۋعا بەرٸلمەگەن. سونىمەن قاتار بەينەباقىلاۋ كامەرالارى تەك كٸرەبەرٸستەرگە ورناتىلعاندىقتان, اۋلا مەن اۆتوتۇراققا بٶگدە ادامداردىڭ ەركٸن كٸرۋٸنە مٷمكٸندٸك بار.
استانا قالاسىنىڭ پوليتسيياسى اتالعان دەرەك بويىنشا قىلمىستىق كودەكستٸڭ ون التى جاسقا تولماعان ادامعا سەكسۋالدىق سيپاتتا تيٸسۋگە قاتىستى بابى بويىنشا قىلمىستىق ٸس قوزعالعانىن حابارلادى.
قۇقىق قورعاۋ ورگاندارى وقيعانىڭ ٶزگە مەن-جايىن ەزٸرگە جارييالاعان جوق.
