Astanadaǵy turǵyn úi keshenderiniń birinde kishkentai qyzǵa seksýaldyq sipatta tiisti degen kúdikpen er adamǵa qatysty qylmystyq is qozǵaldy, dep habarlaidy ult.kz.
Oqiǵa týraly qala turǵyny Threads áleýmettik jelisinde jazyp, beinebaqylaý kamerasyna túsip qalǵan er adamnyń beinesin jariialaǵan. Onyń aitýynsha, oqiǵa «Baǵystan-4» turǵyn úi kesheniniń aýmaǵynda bolǵan.
Turǵyn óz jazbasynda keshendegi qaýipsizdik máselesine de nazar aýdarǵan. Onyń sózinshe, ǵimarat 2025 jyldan beri paidalanýǵa berilmegen. Sonymen qatar beinebaqylaý kameralary tek kireberisterge ornatylǵandyqtan, aýla men avtoturaqqa bógde adamdardyń erkin kirýine múmkindik bar.
Astana qalasynyń politsiiasy atalǵan derek boiynsha Qylmystyq kodekstiń on alty jasqa tolmaǵan adamǵa seksýaldyq sipatta tiisýge qatysty baby boiynsha qylmystyq is qozǵalǵanyn habarlady.
Quqyq qorǵaý organdary oqiǵanyń ózge mán-jaiyn ázirge jariialaǵan joq.
