Foto: ashyq derekkóz
Qazaqmys korporatsiiasy aýmaǵynda jasalǵan urlyqtarǵa qatysty Ulytaý oblysynda birneshe qylmystyq toptyń áreketi toqtatylǵan. Qabyldanǵan sharalardyń nátijesinde keltirilgen shyǵynnyń 94,5%-y ótelgen, dep habarlaidy Ult.kz.
Tergeý barysynda jergilikti qylmystyq toptardyń baǵaly metaldardyń mólsheri joǵary ken qorytpalaryn urlaý shemasyn uiymdastyrǵany anyqtalǵan. Qylmystyq top músheleri sottalǵan.
Biyldyń ózinde politsiia iri kólemde shyǵyn keltirilgen tórt urlyq faktisin ashqan.
7 mamyr kúni Qazaqstan Respýblikasynyń Memlekettik kúzet qyzmetimen birlesken operatsiia barysynda kompaniia aýmaǵynan janarmai urlaý shemasynyń joly kesildi.
Kúdiktilerdiń arnaiy tehnikaǵa jalǵan janarmai quiý jáne qujattardy qoldan jasaý arqyly janar-jaǵarmai materialdaryn urlaǵany belgili boldy.
Tintý kezinde:
- – bir tonnadan astam janarmai;
– iri kólemdegi aqsha qarajaty;
– kólik quraldary;
– oq-dárisi bar qarý;
– zańsyz árekette paidalanylǵan ózge de zattai dáleldemeler tárkilengen.
Sonymen qatar kúzet qurylymdarynyń jekelegen qyzmetkerleri tarapynan kómek kórsetý derekteri de anyqtalǵan.
IIM uiymdasqan qylmysqa qarsy kúres departamentiniń ókili Qýandyq Alpys qazirgi ýaqytta tergeý-jedel sharalary jalǵasyp jatqanyn aitty. Onyń sózinshe, qarjylyq-sharýashylyq qujattarǵa taldaý júrgizilip, keltirilgen shyǵyn kólemi naqtylanýda. Aldyn ala málimet boiynsha shyǵyn asa iri kólemde bolýy múmkin.
