ۇلىتاۋدا «قازاقمىس» نىساندارىنداعى ۇرلىق سحەمالارى ەشكەرەلەندٸ

فوتو: اشىق دەرەككٶز

قازاقمىس كورپوراتسيياسى اۋماعىندا جاسالعان ۇرلىقتارعا قاتىستى ۇلىتاۋ وبلىسىندا بٸرنەشە قىلمىستىق توپتىڭ ەرەكەتٸ توقتاتىلعان. قابىلدانعان شارالاردىڭ نەتيجەسٸندە كەلتٸرٸلگەن شىعىننىڭ 94,5%-ى ٶتەلگەن, دەپ حابارلايدى Ult.kz.

تەرگەۋ بارىسىندا جەرگٸلٸكتٸ قىلمىستىق توپتاردىڭ باعالى مەتالداردىڭ مٶلشەرٸ جوعارى كەن قورىتپالارىن ۇرلاۋ سحەماسىن ۇيىمداستىرعانى انىقتالعان. قىلمىستىق توپ مٷشەلەرٸ سوتتالعان.

بيىلدىڭ ٶزٸندە پوليتسييا ٸرٸ كٶلەمدە شىعىن كەلتٸرٸلگەن تٶرت ۇرلىق فاكتٸسٸن اشقان.

7 مامىر كٷنٸ قازاقستان رەسپۋبليكاسىنىڭ مەملەكەتتٸك كٷزەت قىزمەتٸمەن بٸرلەسكەن وپەراتسييا بارىسىندا كومپانييا اۋماعىنان جانارماي ۇرلاۋ سحەماسىنىڭ جولى كەسٸلدٸ.

كٷدٸكتٸلەردٸڭ ارنايى تەحنيكاعا جالعان جانارماي قۇيۋ جەنە قۇجاتتاردى قولدان جاساۋ ارقىلى جانار-جاعارماي ماتەريالدارىن ۇرلاعانى بەلگٸلٸ بولدى.

تٸنتۋ كەزٸندە:

• – بٸر توننادان استام جانارماي;
  – ٸرٸ كٶلەمدەگٸ اقشا قاراجاتى;
  – كٶلٸك قۇرالدارى;
  – وق-دەرٸسٸ بار قارۋ;
  – زاڭسىز ەرەكەتتە پايدالانىلعان ٶزگە دە زاتتاي دەلەلدەمەلەر تەركٸلەنگەن.

سونىمەن قاتار كٷزەت قۇرىلىمدارىنىڭ جەكەلەگەن قىزمەتكەرلەرٸ تاراپىنان كٶمەك كٶرسەتۋ دەرەكتەرٸ دە انىقتالعان.

ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىس قازٸرگٸ ۋاقىتتا تەرگەۋ-جەدەل شارالارى جالعاسىپ جاتقانىن ايتتى. ونىڭ سٶزٸنشە, قارجىلىق-شارۋاشىلىق قۇجاتتارعا تالداۋ جٷرگٸزٸلٸپ, كەلتٸرٸلگەن شىعىن كٶلەمٸ ناقتىلانۋدا. الدىن الا مەلٸمەت بويىنشا شىعىن اسا ٸرٸ كٶلەمدە بولۋى مٷمكٸن.