Áleýmettik jelide uly tarapynan zorlyq-zombylyq kórgen qariianyń videosy keńinen taralyp, qoǵamnyń qyzý talqysyna tústi, dep habarlaidy ult.kz.
Jýrnalist Juldyz Qairatqyzy aqsaqaldan suhbat alyp, onyń basynan ótken aýyr jaǵdaidy jariialady.
Qariianyń aitýynsha, uly ony únemi qorqytyp, erkin júrip-turýyna múmkindik bermegen.
«Mańdaiymnan salyp qaldy. Túnde kishi dáretke barǵym kelip, shyǵaiyn desem, taǵy aiqailaidy. “Barmaisyń, qaida?” deidi. Meniń bar oiym – ájethananyń janyndaǵy sórede ine-jip turatyn quty bar edi. Sonyń ishinde qaishy bolatyn. Sol qaishyny alyp qashýǵa árekettendim», – deidi aqsaqal.
Eske salaiyq, buǵan deiin Atyraý oblysy Qyzylqoǵa aýdanynyń Saryózek aýylynda egde jastaǵy turǵynǵa qatysty zorlyq-zombylyq jasalǵany týraly aqparat taraǵan bolatyn.
Jergilikti turǵyndardyń sózinshe, aýyl turǵyny Edilhan Sisenov uzaq ýaqyt boiy óz ákesine kúsh kórsetip kelgen. Qazirgi ýaqytta qariia týǵan qaryndasynyń úiine kóshirilgen.
Aýyl turǵyndary qart adamnyń denesinde kógergen izder baryn, onyń júrýi qiyndap, densaýlyǵy aitarlyqtai nasharlaǵanyn aitady. Jaqyndarynyń málimetinshe, aqsaqaldyń aqyl-esi durys, óz jaǵdaiyn tolyq túsinedi. Alaida uzaq ýaqyt boiy kórgen qysym men zorlyq-zombylyq onyń densaýlyǵyna keri áser etken bolýy múmkin.
Qazirgi ýaqytta bul jaǵdaiǵa qatysty quqyq qorǵaý organdary ázirge resmi málimdeme jasaǵan joq.
