ەلەۋمەتتٸك جەلٸدە ۇلى تاراپىنان زورلىق-زومبىلىق كٶرگەن قارييانىڭ ۆيدەوسى كەڭٸنەن تارالىپ, قوعامنىڭ قىزۋ تالقىسىنا تٷستٸ, دەپ حابارلايدى ult.kz.
جۋرناليست جۇلدىز قايراتقىزى اقساقالدان سۇحبات الىپ, ونىڭ باسىنان ٶتكەن اۋىر جاعدايدى جارييالادى.
قارييانىڭ ايتۋىنشا, ۇلى ونى ٷنەمٸ قورقىتىپ, ەركٸن جٷرٸپ-تۇرۋىنا مٷمكٸندٸك بەرمەگەن.
«ماڭدايىمنان سالىپ قالدى. تٷندە كٸشٸ دەرەتكە بارعىم كەلٸپ, شىعايىن دەسەم, تاعى ايقايلايدى. “بارمايسىڭ, قايدا?” دەيدٸ. مەنٸڭ بار ويىم – ەجەتحانانىڭ جانىنداعى سٶرەدە ينە-جٸپ تۇراتىن قۇتى بار ەدٸ. سونىڭ ٸشٸندە قايشى بولاتىن. سول قايشىنى الىپ قاشۋعا ەرەكەتتەندٸم», – دەيدٸ اقساقال.
ەسكە سالايىق, بۇعان دەيٸن اتىراۋ وبلىسى قىزىلقوعا اۋدانىنىڭ سارىٶزەك اۋىلىندا ەگدە جاستاعى تۇرعىنعا قاتىستى زورلىق-زومبىلىق جاسالعانى تۋرالى اقپارات تاراعان بولاتىن.
جەرگٸلٸكتٸ تۇرعىنداردىڭ سٶزٸنشە, اۋىل تۇرعىنى ەدٸلحان سيسەنوۆ ۇزاق ۋاقىت بويى ٶز ەكەسٸنە كٷش كٶرسەتٸپ كەلگەن. قازٸرگٸ ۋاقىتتا قارييا تۋعان قارىنداسىنىڭ ٷيٸنە كٶشٸرٸلگەن.
اۋىل تۇرعىندارى قارت ادامنىڭ دەنەسٸندە كٶگەرگەن ٸزدەر بارىن, ونىڭ جٷرۋٸ قيىنداپ, دەنساۋلىعى ايتارلىقتاي ناشارلاعانىن ايتادى. جاقىندارىنىڭ مەلٸمەتٸنشە, اقساقالدىڭ اقىل-ەسٸ دۇرىس, ٶز جاعدايىن تولىق تٷسٸنەدٸ. الايدا ۇزاق ۋاقىت بويى كٶرگەن قىسىم مەن زورلىق-زومبىلىق ونىڭ دەنساۋلىعىنا كەرٸ ەسەر ەتكەن بولۋى مٷمكٸن.
قازٸرگٸ ۋاقىتتا بۇل جاعدايعا قاتىستى قۇقىق قورعاۋ ورگاندارى ەزٸرگە رەسمي مەلٸمدەمە جاساعان جوق.
