Abai atamyzdyń bul sýreti meniń qolyma 1994 jyly túsip edi. Avtory qytai sýretshisi. Syrtqy ister ministrliginiń IýNESKO isteri jáne mádeni bailanys basqarmasynda bólim basqaryp júrgenimde, "Qazaqstan diplomatiiasy" atty úsh tilde jýrnal shyǵarmaq boldyq. Alǵashqy sanyna uly aqynnyń 150 jyldyǵyna orai materialdar daiyndadyq. Bir maqalany qytai Elshiliginde mádeni attashe qyzmetinde júrgen diplomat ári Abaidyń "Qara sózderin" qytai tiline aýdarǵan jazýshy Sý Chjoýsýn (Sý Joýshioń) joldastan aldym. Ol maqalasymen qosa osy sýretti usyndy.
Bul portretti jýńgonyń belgili sýretshisi Gao Man (Gaý Mań) 1993 jyly Abai Qunanbaevtyń qytai tilindegi tańdamaly kitabyna arnap salǵan bolyp shyqty. Jýrnaldyń tuńǵysh nomeri basýǵa daiyn bolǵan kezde joǵarǵy jaqta aýys-kúiis bolyp, bizdiń basylymymyzdyń shyǵýyna múddeli bolyp otyrǵan ministr Q.Toqaev basqa qyzmetke aýysty da, ornyna Q.Saýdabaev keldi. Ol kele sala endi shyǵa bergen jýrnaldy toqtatyp, birjolata jaýyp tastady. Sonymen daiyndalǵan jýrnal nomeri túgelimen kompiýterde qalyp, keiin umytyldy.
Jaqynda poligon zardaby týraly erterekte jazǵan kórkem áńgimemdi izdep, arhivimdi aqtaryp otyryp, Abai atamyzdyń sol portretin taýyp aldym. Qasynda qytai aýdarmashysynyń orys tilindegi maqalasy da bar eken.
Ulyqbek Esdáýlettiń feisbýktaǵy jazbasynan
