Foto: Egemen.kz
Qazaqstan Respýblikasy Parlamenti Senatynyń plenarlyq otyrysynda depýtat Altynbek Nuhuly qazaq tiliniń ulttyq sózdik qoryn qurý jónindegi zańnamaǵa túzetýlerdi tanystyrdy, dep habarlaidy Ult.kz, Massagetkzke silteme jasap.
Senatordyń sózinshe, jasandy intellekt negizinde qazaq tiliniń tildik modelimen ainalysatyn arnaiy uiym qurylady.
"Zań maquldanǵan jaǵdaida Ulttyq sózdik qor men Ulttyq til korpýsy qurylyp, leksikalyq qor júielenetin bolady. Jasandy intellekt negizinde qazaq tiliniń úlken tildik modeli (LLM) ázirlenip, munymen ainalysatyn arnaiy uiym belgilenedi. Búgingidei ozyq tsifrlyq tehnologiialar damyǵan ýaqytta, atalǵan jańashyldyq erekshe mańyzǵa ie. Endi burynǵydai Terminkomnyń tizimin terip, sózdikter aqtaryp otyrmaisyz, ulttyq sózdik qor qazaq tiliniń bas anyqtamalyǵy siiaqty bolady. Bul, qazaq tiliniń bai leksikalyq quramyn júieleýge, saqtaýǵa, zertteýge múmkindik beredi jáne tsifrlyq ortada qoldanylý aiasyn erekshe arttyrady",- dedi senator.
Sonymen qatar, "Bilim týraly" zańǵa túzetýler engizý kózdelgen. Bul halyqaralyq ǵylymi joba baiqaýlarynyń jeńimpazdary men júldegerlerine konkýrstan tys memlekettik bilim berý granttaryn berýge arnalǵan.
Aita keteiik, Senat "Mádeniet, bilim berý jáne tálimgerlik máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly" zańdy maquldady.
