فوتو: Egemen.kz
قازاقستان رەسپۋبليكاسى پارلامەنتٸ سەناتىنىڭ پلەنارلىق وتىرىسىندا دەپۋتات التىنبەك نۇحۇلى قازاق تٸلٸنٸڭ ۇلتتىق سٶزدٸك قورىن قۇرۋ جٶنٸندەگٸ زاڭناماعا تٷزەتۋلەردٸ تانىستىردى, دەپ حابارلايدى Ult.kz, Massagetkzكە سٸلتەمە جاساپ.
سەناتوردىڭ سٶزٸنشە, جاساندى ينتەللەكت نەگٸزٸندە قازاق تٸلٸنٸڭ تٸلدٸك مودەلٸمەن اينالىساتىن ارنايى ۇيىم قۇرىلادى.
"زاڭ ماقۇلدانعان جاعدايدا ۇلتتىق سٶزدٸك قور مەن ۇلتتىق تٸل كورپۋسى قۇرىلىپ, لەكسيكالىق قور جٷيەلەنەتٸن بولادى. جاساندى ينتەللەكت نەگٸزٸندە قازاق تٸلٸنٸڭ ٷلكەن تٸلدٸك مودەلٸ (LLM) ەزٸرلەنٸپ, مۇنىمەن اينالىساتىن ارنايى ۇيىم بەلگٸلەنەدٸ. بٷگٸنگٸدەي وزىق تسيفرلىق تەحنولوگييالار دامىعان ۋاقىتتا, اتالعان جاڭاشىلدىق ەرەكشە ماڭىزعا يە. ەندٸ بۇرىنعىداي تەرمينكومنىڭ تٸزٸمٸن تەرٸپ, سٶزدٸكتەر اقتارىپ وتىرمايسىز, ۇلتتىق سٶزدٸك قور قازاق تٸلٸنٸڭ باس انىقتامالىعى سيياقتى بولادى. بۇل, قازاق تٸلٸنٸڭ باي لەكسيكالىق قۇرامىن جٷيەلەۋگە, ساقتاۋعا, زەرتتەۋگە مٷمكٸندٸك بەرەدٸ جەنە تسيفرلىق ورتادا قولدانىلۋ اياسىن ەرەكشە ارتتىرادى",- دەدٸ سەناتور.
سونىمەن قاتار, "بٸلٸم تۋرالى" زاڭعا تٷزەتۋلەر ەنگٸزۋ كٶزدەلگەن. بۇل حالىقارالىق عىلىمي جوبا بايقاۋلارىنىڭ جەڭٸمپازدارى مەن جٷلدەگەرلەرٸنە كونكۋرستان تىس مەملەكەتتٸك بٸلٸم بەرۋ گرانتتارىن بەرۋگە ارنالعان.
ايتا كەتەيٸك, سەنات "مەدەنيەت, بٸلٸم بەرۋ جەنە تەلٸمگەرلٸك مەسەلەلەرٸ بويىنشا قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶزگەرٸستەر مەن تولىقتىرۋلار ەنگٸزۋ تۋرالى" زاڭدى ماقۇلدادى.
