Ulttyq bank tóraǵasynyń orynbasary Áliia Moldabekova ulttyq qor aktivteri týraly aitty, dep habarlaidy "Ult aqparat".
Aldyn ala derek boiynsha ulttyq qordyń aktivteri qarashanyń sońynda bir aida shamamen $1,7 mlrd dollarǵa ulǵaiyp, $58 mlrd dollarǵa jetti.
«Buǵan deiin atap ótkenimdei, vaktsinanyń sátti bolýy týraly jańalyqtar, sondai-aq álemdik jetekshi kompaniialardyń toqsandyq eseptiligindegi oń derekterdi qarjy naryǵynyń qatysýshylary jaqsy qabyldady. Nátijesinde aktsiialardyń negizgi indeksteriniń birshama ósýi baiqaldy. Máselen, MSCI jahandyq aktsiialar indeksiniń kiristiligi qarashada 12,8% boldy. Naryqtarda baiqalǵan optimizm aiasynda Ulttyq qordyń investitsiialyq kirisi qarashada $2 mlrd dollardy qurady, onyń ishinde $1,6 mlrd dollardan astamy aktsiialar portfeli esebinen boldy. Aǵymdaǵy jyldyń basynan bastap investitsiialyq kiris shamamen $3 mlrd dollarǵa jetti», – deidi spiker.
Respýblikalyq biýdjetke 230 mlrd teńge somasynda kepildik berilgen transfert bólý boiynsha mindettemelerdi oryndaý maqsatynda qarashada ulttyq qordyń valiýtalyq aktivi shamamen $541 mln dollar somasyna satyldy.
Bul rette qarashada ulttyq qorǵa túsken valiýtalyq túsim $198 mln dollardy qurady.
