ۇلتتىق بانك تٶراعاسىنىڭ ورىنباسارى ەلييا مولدابەكوۆا ۇلتتىق قور اكتيۆتەرٸ تۋرالى ايتتى, دەپ حابارلايدى "ۇلت اقپارات".
الدىن الا دەرەك بويىنشا ۇلتتىق قوردىڭ اكتيۆتەرٸ قاراشانىڭ سوڭىندا بٸر ايدا شامامەن $1,7 ملرد دوللارعا ۇلعايىپ, $58 ملرد دوللارعا جەتتٸ.
«بۇعان دەيٸن اتاپ ٶتكەنٸمدەي, ۆاكتسينانىڭ سەتتٸ بولۋى تۋرالى جاڭالىقتار, سونداي-اق ەلەمدٸك جەتەكشٸ كومپانييالاردىڭ توقساندىق ەسەپتٸلٸگٸندەگٸ وڭ دەرەكتەردٸ قارجى نارىعىنىڭ قاتىسۋشىلارى جاقسى قابىلدادى. نەتيجەسٸندە اكتسييالاردىڭ نەگٸزگٸ يندەكستەرٸنٸڭ بٸرشاما ٶسۋٸ بايقالدى. مەسەلەن, MSCI جاھاندىق اكتسييالار يندەكسٸنٸڭ كٸرٸستٸلٸگٸ قاراشادا 12,8% بولدى. نارىقتاردا بايقالعان وپتيميزم اياسىندا ۇلتتىق قوردىڭ ينۆەستيتسييالىق كٸرٸسٸ قاراشادا $2 ملرد دوللاردى قۇرادى, ونىڭ ٸشٸندە $1,6 ملرد دوللاردان استامى اكتسييالار پورتفەلٸ ەسەبٸنەن بولدى. اعىمداعى جىلدىڭ باسىنان باستاپ ينۆەستيتسييالىق كٸرٸس شامامەن $3 ملرد دوللارعا جەتتٸ», – دەيدٸ سپيكەر.
رەسپۋبليكالىق بيۋدجەتكە 230 ملرد تەڭگە سوماسىندا كەپٸلدٸك بەرٸلگەن ترانسفەرت بٶلۋ بويىنشا مٸندەتتەمەلەردٸ ورىنداۋ ماقساتىندا قاراشادا ۇلتتىق قوردىڭ ۆاليۋتالىق اكتيۆٸ شامامەن $541 ملن دوللار سوماسىنا ساتىلدى.
بۇل رەتتە قاراشادا ۇلتتىق قورعا تٷسكەن ۆاليۋتالىق تٷسٸم $198 ملن دوللاردى قۇرادى.
