Ulttyq qoǵamdyq senim keńesiniń tórtinshi otyrysynda QR Prezidentiniń kómekshisi Erlan Qarin bilim berý jáne densaýlyq saqtaý salalaryn jetildirý boiynsha usynylǵan bastamalardyń birazy júzege asqanyn aitty, dep habarlaidy "Ult aqparat".
«Kólik ielerine júrgizýshi kýáligin talap etpeitin, tek qana jeke kýálikti qoldaný múmkindikterin qarastyratyn jol júrý normalary boiynsha zań jobasy Májilis qaraýyna usynyldy. Budan bólek, Ulttyq keńestiń úshinshi otyrysynda bilim berý jáne densaýlyq saqtaý salalaryn jetildirý boiynsha usynylǵan bastamalardyń biraz bóligi júzege asyp otyr. Sonyń ishinde pedagogikalyq baǵyttar boiynsha oqýǵa túsýshi úmitkerler úshin irikteý talaptary kúsheitildi. Osy baǵytta bilim alatyn bakalavriat stýdentteriniń shákirtaqysy 60 paiyzǵa, al doktoranttardyń shákirtaqysy 46 paiyzǵa ulǵaidy. Joǵary oqý oryndarynda professorlyq-oqytýshylyq quramnyń ortasha eńbekaqysy 2019 jylmen salystyrǵanda 27 paiyzǵa ósti», - dedi E. Qarin.
Onyń sózine qaraǵanda, Bas memlekettik sanitar dárigerdiń mártebesi men quzyrettiliginiń keńeiýin qamtityn «Halyq densaýlyǵy jáne densaýlyq saqtaý júiesi týraly» Kodeks qabyldandy. Sanitarlyq-epidemiologiialyq baqylaý komiteti quryldy, «Biologiialyq qaýipsizdik týraly» zań jobasy daiyndaldy.
«Osynyń barlyǵy - Ulttyq keńestiń úshinshi otyrysynda jariialanǵan bastamalar», - dedi Erlan Qarin.
