ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا قر پرەزيدەنتٸنٸڭ كٶمەكشٸسٸ ەرلان قارين بٸلٸم بەرۋ جەنە دەنساۋلىق ساقتاۋ سالالارىن جەتٸلدٸرۋ بويىنشا ۇسىنىلعان باستامالاردىڭ بٸرازى جٷزەگە اسقانىن ايتتى, دەپ حابارلايدى "ۇلت اقپارات".
«كٶلٸك يەلەرٸنە جٷرگٸزۋشٸ كۋەلٸگٸن تالاپ ەتپەيتٸن, تەك قانا جەكە كۋەلٸكتٸ قولدانۋ مٷمكٸندٸكتەرٸن قاراستىراتىن جول جٷرۋ نورمالارى بويىنشا زاڭ جوباسى مەجٸلٸس قاراۋىنا ۇسىنىلدى. بۇدان بٶلەك, ۇلتتىق كەڭەستٸڭ ٷشٸنشٸ وتىرىسىندا بٸلٸم بەرۋ جەنە دەنساۋلىق ساقتاۋ سالالارىن جەتٸلدٸرۋ بويىنشا ۇسىنىلعان باستامالاردىڭ بٸراز بٶلٸگٸ جٷزەگە اسىپ وتىر. سونىڭ ٸشٸندە پەداگوگيكالىق باعىتتار بويىنشا وقۋعا تٷسۋشٸ ٷمٸتكەرلەر ٷشٸن ٸرٸكتەۋ تالاپتارى كٷشەيتٸلدٸ. وسى باعىتتا بٸلٸم الاتىن باكالاۆريات ستۋدەنتتەرٸنٸڭ شەكٸرتاقىسى 60 پايىزعا, ال دوكتورانتتاردىڭ شەكٸرتاقىسى 46 پايىزعا ۇلعايدى. جوعارى وقۋ ورىندارىندا پروفەسسورلىق-وقىتۋشىلىق قۇرامنىڭ ورتاشا ەڭبەكاقىسى 2019 جىلمەن سالىستىرعاندا 27 پايىزعا ٶستٸ», - دەدٸ ە. قارين.
ونىڭ سٶزٸنە قاراعاندا, باس مەملەكەتتٸك سانيتار دەرٸگەردٸڭ مەرتەبەسٸ مەن قۇزىرەتتٸلٸگٸنٸڭ كەڭەيۋٸن قامتيتىن «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس قابىلداندى. سانيتارلىق-ەپيدەميولوگييالىق باقىلاۋ كوميتەتٸ قۇرىلدى, «بيولوگييالىق قاۋٸپسٸزدٸك تۋرالى» زاڭ جوباسى دايىندالدى.
«وسىنىڭ بارلىعى - ۇلتتىق كەڭەستٸڭ ٷشٸنشٸ وتىرىسىندا جارييالانعان باستامالار», - دەدٸ ەرلان قارين.
