شىعىس قازاقستان وبلىسىندا مەديتسينالىق نىسانداردى جاڭعىرتۋ جەنە ٶسكەمەننٸڭ جول-كٶلٸك ينفراقۇرىلىمىن دامىتۋعا 105,7 ملرد تەڭگە باعىتتالدى. بۇل قاراجاتقا كٶپبەيٸندٸ اۋرۋحانا سالۋ, پەرزەنتحانانى رەكونسترۋكتسييالاۋ, ەرتٸس ٶزەنٸ ارقىلى ٶتەتٸن كٶپٸر مەن جول ايرىعىن جاڭارتۋ جوسپارلانعان, دەپ حابارلايدى ult.kz.
300 ورىندىق اۋرۋحانا سالىنىپ جاتىر
ٶسكەمەن قالاسىنىڭ 19-شاعىن اۋدانىندا 300 ورىنعا ارنالعان كٶپبەيٸندٸ اۋرۋحانا قۇرىلىسى جٷرگٸزٸلٸپ جاتىر. نىساننىڭ جالپى اۋدانى – 42,5 مىڭ شارشى مەتر. جوباعا قوسىمشا 33,3 ملرد تەڭگە بٶلٸندٸ.
قازٸر قۇرىلىس جۇمىستارىنىڭ دايىندىق دەڭگەيٸ 28%-عا جەتكەن. مەديتسينالىق جابدىقتاردى ساتىپ الۋ اياقتالعان. اۋرۋحانانى 2027 جىلدىڭ سوڭىنا دەيٸن پايدالانۋعا بەرۋ جوسپارلانعان.
مەديتسينالىق مەكەمەدە حيرۋرگييا, تراۆماتولوگييا, كارديولوگييا, نەيروحيرۋرگييا بٶلٸمشەلەرٸ مەن ينسۋلت ورتالىعى جۇمىس ٸستەيدٸ. اۋرۋحانا جىلىنا 13,6 مىڭ پاتسيەنتكە قىزمەت كٶرسەتۋگە ەسەپتەلگەن.
پەرزەنتحانا جىلىنا قوسىمشا 2 مىڭ ەيەلدٸ قابىلداي الادى
ٶسكەمەندەگٸ انا مەن بالا ورتالىعىنىڭ ستاتسيونار عيماراتىن پەرزەنتحانا رەتٸندە قايتا جابدىقتاۋ جۇمىستارى دا جالعاسىپ جاتىر. جوباعا 2026 جىلى قوسىمشا 2,4 ملرد تەڭگە بٶلٸندٸ.
جالپى اۋدانى 12,2 مىڭ شارشى مەتر بولاتىن عيماراتتىڭ دايىندىعى 90%-عا جەتكەن. نىساندى 2026 جىلدىڭ تٶرتٸنشٸ توقسانىندا پايدالانۋعا بەرۋ كٶزدەلگەن.
قايتا جاڭعىرتۋ اياقتالعاننان كەيٸن پەرزەنتحانا جىلىنا قوسىمشا 2 مىڭعا دەيٸن ەيەلدٸ قابىلداي الادى. شىعىس قازاقستان وبلىسىندا جىل سايىن ورتا ەسەپپەن 5 300 بالا دٷنيەگە كەلەدٸ.
ەرتٸس ارقىلى ٶتەتٸن جاڭا كٶپٸر سالىنادى
ٶسكەمەندەگٸ جول-كٶلٸك ينفراقۇرىلىمىن دامىتۋعا دا قوماقتى قاراجات قاراستىرىلعان. سەرٸكباەۆ كٶشەسٸن ۇزارتۋ جەنە ەرتٸس ٶزەنٸ ارقىلى ٶتەتٸن جاڭا كٶپٸر سالۋ جوباسىنا بيىل قوسىمشا 55 ملرد تەڭگە بٶلٸندٸ.
جوبا اياسىندا ۇزىندىعى 2,3 شاقىرىم بولاتىن التى جولاقتى جول جەنە ۇزىندىعى 834,8 مەتر كٶپٸر سالىنادى. سونداي-اق جاياۋ جٷرگٸنشٸلەر مەن ۆەلوسيپەد جولدارى قاراستىرىلعان.
جاڭا كٶپٸر قالانىڭ ورتالىعى مەن سول جاعالاۋى اراسىنداعى قاتىناستى جاقسارتىپ, تەۋلٸگٸنە 80 مىڭنان استام كٶلٸك ٶتەتٸن قولدانىستاعى ەرتٸس كٶپٸرٸنە تٷسەتٸن جٷكتەمەنٸ ازايتۋعا مٷمكٸندٸك بەرەدٸ. قۇرىلىستى 2029 جىلى اياقتاۋ جوسپارلانعان.
جول ايرىعى 2027 جىلى تولىق پايدالانۋعا بەرٸلەدٸ
سەتباەۆ داڭعىلى مەن جٸبەك جولى كٶشەسٸنٸڭ قيىلىسىنداعى كٶلٸك ايرىعىن قايتا جاڭعىرتۋعا قوسىمشا 15 ملرد تەڭگە بٶلٸندٸ. قازٸر قۇرىلىس جۇمىستارىنىڭ 72%-ى ورىندالعان.
نىساندى كەزەڭ-كەزەڭٸمەن پايدالانۋعا بەرۋ جوسپارلانىپ وتىر. 2026 جىلعى 25 قازاندا سەتباەۆ كٶشەسٸ باعىتىنداعى قوزعالىستى اشۋ, ال جىل سوڭىنا دەيٸن ەسەنبەرلين كٶشەسٸ باعىتىنداعى قوزعالىستى ٸسكە قوسۋ كٶزدەلگەن. كٶلٸك ايرىعى 2027 جىلى تولىق پايدالانۋعا بەرٸلەدٸ.
جوبا قالانىڭ سول جاعالاۋ بٶلٸگٸنە, مەنوۆنوە جەنە احميروۆو تۇرعىن الاپتارىنا, سونداي-اق «جٸبەك ماتالار كومبيناتى» شاعىن اۋدانىنا قاتىناۋدى جەڭٸلدەتۋگە باعىتتالعان.
اتالعان جوبالار جٷزەگە اسسا, ٶسكەمەندە مەديتسينالىق كٶمەكتٸڭ قولجەتٸمدٸلٸگٸ ارتىپ, جولدارداعى كٶلٸك قوزعالىسى جاقسارادى.
