قازاقستان رەسپۋبليكاسى تەۋەلسٸزدٸگٸنٸڭ 35 جىلدىعى قارساڭىندا رەسپۋبليكالىق پاتريوتتىق ەندەر بايقاۋى جارييالاندى, دەپ حابارلايدى ult.kz.
بايقاۋ وتان, تۋعان جەر جەنە ەل بٸرلٸگٸ تاقىرىبىنداعى جاڭا تۋىندىلاردى تانىتۋعا, تالانتتى اۆتورلاردى انىقتاۋعا جەنە زاماناۋي پاتريوتتىق ەندەر قورىن تولىقتىرۋعا باعىتتالادى.
بايقاۋعا ەلٸمٸزدٸڭ بارلىق ٶڭٸرٸنەن اقىندار مەن كومپوزيتورلار, سونىڭ ٸشٸندە شىعارماشىلىق جولىن ەندٸ باستاعان اۆتورلار قاتىسا الادى. بۇعان دەيٸن جارييالانباعان جەنە ورىندالماعان ەندەر قابىلدانادى.
بايقاۋ ٷش باعىت بويىنشا ٶتەدٸ. ولار: سالتاناتتى پاتريوتتىق ەندەر, ليريكالىق پاتريوتتىق ەندەر جەنە زاماناۋي پاتريوتتىق ەندەر. قاتىسۋشىلار بٸر نەمەسە بٸرنەشە باعىت بويىنشا شىعارما ۇسىنا الادى.
تۋىندىلاردى كومپوزيتورلار, اقىندار مەن مۋزىكا ماماندارىنان قۇرالعان ساراپشىلار كەڭەسٸ باعالايدى. ساراپشىلار باعا بەرۋدە ەننٸڭ ەۋەنٸ, مەتٸنٸنٸڭ ساپاسى, اۆتورلىق يدەياسىنىڭ تىڭ بولۋى جەنە تىڭدارمانعا ەسەرٸن نەگٸزگە الادى.
ساراپشىلار كەڭەسٸنٸڭ مٷشەسٸ, اقىن قالقامان ساريننٸڭ ايتۋىنشا, بايقاۋ وتان مەن ۇلتتىق بولمىس تاقىرىبىن ارقاۋ ەتەتٸن ەرٸ تىڭدارمان كٶڭٸلٸنەن شىعاتىن ەندەردٸڭ جازىلۋىن كٶزدەيدٸ.
بايقاۋدىڭ جالپى جٷلدە قورى – 30 ملن تەڭگە. قاراجاتتى دەمەۋشٸلەر بٶلگەن. جٷلدەلەر تٶمەندەگٸدەي بەلگٸلەنگەن:
• باس جٷلدە – 6 ملن تەڭگە;
• I ورىن – ەرقايسىسى 4 ملن تەڭگەدەن ٷش جٷلدە;
• II ورىن – ەرقايسىسى 3 ملن تەڭگەدەن ٷش جٷلدە;
• III ورىن – ەرقايسىسى 1 ملن تەڭگەدەن ٷش جٷلدە.
ٶتٸنٸمدەر 2026 جىلعى 5 جەلتوقسانعا دەيٸن khabar.kz/konkurs سايتىندا قابىلدانادى. جەڭٸمپازدار قازاقستان رەسپۋبليكاسىنىڭ تەۋەلسٸزدٸك كٷنٸ قارساڭىندا جارييالانادى.
