Pavlodarda kólik júrgizý quqyǵynan jeti jylǵa aiyrylǵan 68 jastaǵy turǵyn mas kúide taǵy da rólge otyrǵan, dep habarlaidy ult.kz.
Polisia.kz politsiia qyzmetkerleri GAZ-24 kóligin toqtatqanda, júrgizýshiden alkogoldik masańdyq belgileri baiqalǵan. Meditsinalyq kýálandyrý onyń ortasha dárejede mas bolǵanyn rastady.
Tekserý barysynda er adamnyń tamyz aiynda kólik basqarý quqyǵynan jeti jylǵa aiyrylǵany anyqtaldy. Soǵan qaramastan, ol qaitadan rólge otyrǵan.
Avtokólik arnaiy turaqqa qoiyldy. Qazir oqiǵa boiynsha tekserý júrgizilip jatyr.
Politsiia mas kúide kólik júrgizý jol qozǵalysyna qatysýshylardyń ómirine qaýip tóndiretinin eskertedi.
