Qazaqstan Respýblikasynyń Ulttyq Banki 2016 jylǵy 25 qarashada "Qazaqstannyń ádet-ǵuryptary, ulttyq oiyndary" monetalar seriiasynan nominaly 500 teńgelik, "proof" sapaly kúmisten jáne nominaly 100 teńgelik neizilber qospasynan "Qyrqynan shyǵarý" eskertkish monetalaryn ainalysqa shyǵarady, - dep habarlaidy "Ult aqparat".
Qyrqynan shyǵarý - týylǵanyna 40 kún tolǵan sábige qatysty ótkiziletin ejelgi dástúr. Dástúrdiń máni balany 40 qasyq tuzdy sýǵa shomyldyrýdan turady. Sý quiylǵan ydysqa kúmis áshekeiler, monetalar salady, sebebi kúmis ejelden tazalyqtyń nyshanyn bildiredi, bále-jaladan qorǵaidy dep esepteledi. Bul rásimge áielder ǵana qatysady, balaǵa qasyqpen sý quia otyryp, olardyń árqaisysy jaqsy tilekter aitady.
Osy dástúrdi ótkizgennen keiin balany kópshilikke kórsetýge bolady dep sanalǵan. Kúmisten jáne neizilber qospasynan jasalǵan monetalardyń bet jáne syrt jaqtaryndaǵy beineler birdei. "Rroof" sapaly kúmis monetalardaǵy beine jyltyr betke salynǵan.
Monetalardyń bet jaǵynda (aversinde) ortalyq bóliginde oiý-órnek aiasynda Qazaqstan Respýblikasynyń eltańbasy beinelengen. Tómengi jaǵynda monetanyń nominalyn bildiretin san (kúmis monetada "500", neizilber qospasynan jasalǵan monetada "100") jáne "TEŃGE" degen jazý bar. Sol jáne oń jaǵynda ulttyq oiý-órnek elementi bir-birine qarama-qarsy beinelengen. Ainaldyra memlekettik tilde "QAZAQSTAN RESPÝBLIKASY" jáne orys tilinde "RESPÝBLIKA KAZAHSTAN" dep jazylǵan.
Monetalardyń syrt jaǵynda (reversinde) ulttyq dástúr - qyrqynan shyǵarýdyń bir sáti beinelengen. Sol jaǵynda Qazaqstan Respýblikasy Ulttyq Bankiniń logotipi bar. Ainaldyra memlekettik tilde "QYRQYNAN ShYǴARÝ" degen jazý, soǵylǵan jylyn bildiretin "2016" degen san, moneta daiyndalǵan metaldy, onyń synamyn jáne massasyn bildiretin "Ag 925 24 g" degen jazý (kúmisten jasalǵan monetada ǵana) bar.
Monetalardyń bet jáne syrt jaǵyndaǵy beineler men jazbalar bederlengen, ainaldyra shyǵynqy jiek.Qyry (gýrty) bederli.
Monetalar 925 synamdy kúmisten jasalǵan, massasy - 24±0,24 g, diametri - 37 millimetr, daiyndaý sapasy - "proof", eń kóp taralymy - 3 myń dana; "neizilber" qospasynan, diametri - 31 millimetr, massasy - 11,17 gramm, taralymy - 100 myń dana.
Nominaly 500 teńgelik jáne 100 teńgelik eskertkish monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Eskertkish monetalardy "Qazaqstan Respýblikasy Ulttyq Bankiniń Qazaqstan teńge saraiy" sharýashylyq júrgizý quqyǵyndaǵy respýblikalyq memlekettik kásiporny daiyndaǵan.
Monetalardyń dizainy Qazaqstan Respýblikasy Prezidentiniń 2003 jylǵy 25 qyrkúiektegi № 1193 Jarlyǵymen bekitilgen Qazaqstan teńgesi - ulttyq valiýta banknottary men monetalary dizainynyń tujyrymdamasyna sáikes ázirlengen.
"Proof" sapasymen jasalǵan eskertkish monetalar kollektsiialyq quny boiynsha satýǵa arnalǵan. Olar kádesyilyq oraýmen shyǵarylady jáne Qazaqstan Respýblikasy Ulttyq Bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan.
Neizilber qospasynan jasalǵan eskertkish monetalardyń alty myń danasy jaqsartylǵan sapamen daiyndalǵan jáne satý úshin arnaiy plastikalyq termovakýýmdy oraýǵa salynǵan.
Monetalardy Qazaqstan Respýblikasy Ulttyq Bankiniń barlyq filialdarynda, sondai-aq QR UB-nyń www.nationalbank.kz saityndaǵy Internet-dúken arqyly da satyp alýǵa bolady.
.jpeg)