قازاقستان رەسپۋبليكاسىنىڭ ۇلتتىق بانكٸ 2016 جىلعى 25 قاراشادا "قازاقستاننىڭ ەدەت-عۇرىپتارى, ۇلتتىق ويىندارى" مونەتالار سەريياسىنان نومينالى 500 تەڭگەلٸك, "proof" ساپالى كٷمٸستەن جەنە نومينالى 100 تەڭگەلٸك نەيزيلبەر قوسپاسىنان "قىرقىنان شىعارۋ" ەسكەرتكٸش مونەتالارىن اينالىسقا شىعارادى, - دەپ حابارلايدى "ۇلت اقپارات".
قىرقىنان شىعارۋ - تۋىلعانىنا 40 كٷن تولعان سەبيگە قاتىستى ٶتكٸزٸلەتٸن ەجەلگٸ دەستٷر. دەستٷردٸڭ مەنٸ بالانى 40 قاسىق تۇزدى سۋعا شومىلدىرۋدان تۇرادى. سۋ قۇيىلعان ىدىسقا كٷمٸس ەشەكەيلەر, مونەتالار سالادى, سەبەبٸ كٷمٸس ەجەلدەن تازالىقتىڭ نىشانىن بٸلدٸرەدٸ, بەلە-جالادان قورعايدى دەپ ەسەپتەلەدٸ. بۇل رەسٸمگە ەيەلدەر عانا قاتىسادى, بالاعا قاسىقپەن سۋ قۇيا وتىرىپ, ولاردىڭ ەرقايسىسى جاقسى تٸلەكتەر ايتادى.
وسى دەستٷردٸ ٶتكٸزگەننەن كەيٸن بالانى كٶپشٸلٸككە كٶرسەتۋگە بولادى دەپ سانالعان. كٷمٸستەن جەنە نەيزيلبەر قوسپاسىنان جاسالعان مونەتالاردىڭ بەت جەنە سىرت جاقتارىنداعى بەينەلەر بٸردەي. "رroof" ساپالى كٷمٸس مونەتالارداعى بەينە جىلتىر بەتكە سالىنعان.
مونەتالاردىڭ بەت جاعىندا (اۆەرسٸندە) ورتالىق بٶلٸگٸندە ويۋ-ٶرنەك اياسىندا قازاقستان رەسپۋبليكاسىنىڭ ەلتاڭباسى بەينەلەنگەن. تٶمەنگٸ جاعىندا مونەتانىڭ نومينالىن بٸلدٸرەتٸن سان (كٷمٸس مونەتادا "500", نەيزيلبەر قوسپاسىنان جاسالعان مونەتادا "100") جەنە "تەڭگە" دەگەن جازۋ بار. سول جەنە وڭ جاعىندا ۇلتتىق ويۋ-ٶرنەك ەلەمەنتٸ بٸر-بٸرٸنە قاراما-قارسى بەينەلەنگەن. اينالدىرا مەملەكەتتٸك تٸلدە "قازاقستان رەسپۋبليكاسى" جەنە ورىس تٸلٸندە "رەسپۋبليكا كازاحستان" دەپ جازىلعان.
مونەتالاردىڭ سىرت جاعىندا (رەۆەرسٸندە) ۇلتتىق دەستٷر - قىرقىنان شىعارۋدىڭ بٸر سەتٸ بەينەلەنگەن. سول جاعىندا قازاقستان رەسپۋبليكاسى ۇلتتىق بانكٸنٸڭ لوگوتيپٸ بار. اينالدىرا مەملەكەتتٸك تٸلدە "قىرقىنان شىعارۋ" دەگەن جازۋ, سوعىلعان جىلىن بٸلدٸرەتٸن "2016" دەگەن سان, مونەتا دايىندالعان مەتالدى, ونىڭ سىنامىن جەنە ماسساسىن بٸلدٸرەتٸن "Ag 925 24 g" دەگەن جازۋ (كٷمٸستەن جاسالعان مونەتادا عانا) بار.
مونەتالاردىڭ بەت جەنە سىرت جاعىنداعى بەينەلەر مەن جازبالار بەدەرلەنگەن, اينالدىرا شىعىنقى جيەك.قىرى (گۋرتى) بەدەرلٸ.
مونەتالار 925 سىنامدى كٷمٸستەن جاسالعان, ماسساسى - 24±0,24 گ, ديامەترٸ - 37 ميلليمەتر, دايىنداۋ ساپاسى - "proof", ەڭ كٶپ تارالىمى - 3 مىڭ دانا; "نەيزيلبەر" قوسپاسىنان, ديامەترٸ - 31 ميلليمەتر, ماسساسى - 11,17 گرامم, تارالىمى - 100 مىڭ دانا.
نومينالى 500 تەڭگەلٸك جەنە 100 تەڭگەلٸك ەسكەرتكٸش مونەتالار قازاقستان رەسپۋبليكاسىنىڭ بٷكٸل اۋماعىندا كٶرسەتٸلگەن قۇنىمەن تٶلەمنٸڭ بارلىق تٷرلەرٸ بويىنشا, سونداي-اق بانك شوتتارىنا ەسەپتەۋ جەنە اۋدارىم جاساۋ ٷشٸن قابىلدانۋعا مٸندەتتٸ, قازاقستان رەسپۋبليكاسىنىڭ بارلىق بانكتەرٸندە شەكتەۋسٸز ۇساقتالادى جەنە ايىرباستالادى.
ەسكەرتكٸش مونەتالاردى "قازاقستان رەسپۋبليكاسى ۇلتتىق بانكٸنٸڭ قازاقستان تەڭگە سارايى" شارۋاشىلىق جٷرگٸزۋ قۇقىعىنداعى رەسپۋبليكالىق مەملەكەتتٸك كەسٸپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتٸنٸڭ 2003 جىلعى 25 قىركٷيەكتەگٸ № 1193 جارلىعىمەن بەكٸتٸلگەن قازاقستان تەڭگەسٸ - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سەيكەس ەزٸرلەنگەن.
"Proof" ساپاسىمەن جاسالعان ەسكەرتكٸش مونەتالار كوللەكتسييالىق قۇنى بويىنشا ساتۋعا ارنالعان. ولار كەدەسىيلىق وراۋمەن شىعارىلادى جەنە قازاقستان رەسپۋبليكاسى ۇلتتىق بانكٸنٸڭ مەملەكەتتٸك, ورىس جەنە اعىلشىن تٸلدەرٸندەگٸ نٶمٸرلٸك ساپا سەرتيفيكاتىمەن جابدىقتالعان.
نەيزيلبەر قوسپاسىنان جاسالعان ەسكەرتكٸش مونەتالاردىڭ التى مىڭ داناسى جاقسارتىلعان ساپامەن دايىندالعان جەنە ساتۋ ٷشٸن ارنايى پلاستيكالىق تەرموۆاكۋۋمدى وراۋعا سالىنعان.
مونەتالاردى قازاقستان رەسپۋبليكاسى ۇلتتىق بانكٸنٸڭ بارلىق فيليالدارىندا, سونداي-اق قر ۇب-نىڭ www.nationalbank.kz سايتىنداعى ينتەرنەت-دٷكەن ارقىلى دا ساتىپ الۋعا بولادى.
.jpeg)