QR Ulttyq banki tóraǵasynyń orynbasary Áliia Moldabekova qarjy naryǵyna yqpal etetin syrtqy faktorlar jaily aitty, dep habarlaidy QazAqparat.
Sonymen qatar ol Ulttyq banktiń turaqtandyrý sharalary týraly túsindirdi.
«Jańa virýstyń jahandyq taralýy álemdik ekonomikanyń basty syn qaterine ainalyp otyr. Qarjy naryqtarynda ekonomikalyq ósim azaidy, boljamdardyń barlyǵy kóńil kónshiterlik emes. Ekonomikany qoldaý úshin Federaldy rezerv júiesi, Kanada banki, Avstraliia ortalyq banki stavkalardy túsirdi. Virýstyń Qytaidan tys jerge taralýy investorlardyń damýshy elderdiń ekonomikasynan ketýine yqpal etti. Bul ahýal Qazaqstan ekonomikasyna da áser etti», - dedi Áliia Moldabekova.
Teńgeniń aiyrbas kýrsy - syrtqy shoktardan avtomatty túrde turaqtandyratyn faktor.
Qańtarda munai barreliniń quny 60-tan 50-ge túsip ketti. Rýbl aqpanda 4,5%-ǵa, indoneziialyq rýpii 4,9%-ǵa álsiredi. Meksika, Túrkiia, Braziliia, OAR valiýtalary 4,9%-ǵa kemidi.
Indoneziia men Braziliia Ortalyq bankteri valiýtalyq interventsiia ótkizgenin habarlady.
«Teńge bir aida 0,6%-ǵa azaidy. Sebebi, aqpan salyq tóleitin ýaqyt. Eksporterlerdiń qarjysy teńgeni kóterip turdy», - dedi tóraǵa orynbasary.
Alaida, salyq tóleminen soń teńgeniń jaǵdaiy jaqsarǵan joq.
«24-28 aqpan aralyǵynda munai barreliniń quny 57-den 50,5-ke tústi, 11%-ǵa arzandady. Munyń barlyǵy aqsha naryǵyndaǵy sheteldik valiýtaǵa suranysty arttyrdy. Valiýta naryǵyndaǵy jaǵdaidy turaqtandyrý úshin Ulttyq bank aqpannyń sońǵy kúnderi valiýtalyq interventsiia jasady», - dedi Áliia Moldabekova.
Ulttyq bank aqpan aiynda $94,8 mln satty.
