Қазақстан Тәуелсіздігіне 25 жыл

Bireýdiń fotosyn ruqsatsyz jariialaý 865 myń teńgege túsýi múmkin

Bireýdiń fotosyn ruqsatsyz jariialaý 865 myń teńgege túsýi múmkin
gov.kz

Qazaqstanda ózge adamnyń fotosýretin kelisiminsiz áleýmettik jelige jariialaǵandarǵa aiyppul salý usynyldy. Bul norma onlain-platformalar men mass-media týraly zań jobasynda qamtylǵan, dep habarlaidy ult.kz.

Qujatqa sáikes, jeke tulǵalarǵa 30 AEK (129 750 teńge), al uiymdarǵa 200 AEK-ke deiin (865 myń teńge) aiyppul salynýy múmkin.

Sondai-aq 5 myńnan astam jazylýshysy bar anonimdi akkaýnttardyń ieleri týraly málimet bermegenderge 20 AEK (86 500 teńge), qaitalanǵan jaǵdaida 40 AEK (173 myń teńge) aiyppul qarastyrylǵan.

Zańsyz kontentti nemese balaǵa qatysty kiberbýlling sipatyndaǵy aqparatty joiý týraly talapty oryndamaǵan onlain-platforma ielerine de 50-den 200 AEK-ke deiin aiyppul salý usynylyp otyr. Qaitalanǵan jaǵdaida bul soma 400 AEK-ke deiin jetedi.

Qazir zań jobasy Quryltaidyń qaraýynda. Qujat áli qabyldanǵan joq.