قر ۇلتتىق بانكٸ تٶراعاسىنىڭ ورىنباسارى ەلييا مولدابەكوۆا قارجى نارىعىنا ىقپال ەتەتٸن سىرتقى فاكتورلار جايلى ايتتى, دەپ حابارلايدى قازاقپارات.
سونىمەن قاتار ول ۇلتتىق بانكتٸڭ تۇراقتاندىرۋ شارالارى تۋرالى تٷسٸندٸردٸ.
«جاڭا ۆيرۋستىڭ جاھاندىق تارالۋى ەلەمدٸك ەكونوميكانىڭ باستى سىن قاتەرٸنە اينالىپ وتىر. قارجى نارىقتارىندا ەكونوميكالىق ٶسٸم ازايدى, بولجامداردىڭ بارلىعى كٶڭٸل كٶنشٸتەرلٸك ەمەس. ەكونوميكانى قولداۋ ٷشٸن فەدەرالدى رەزەرۆ جٷيەسٸ, كانادا بانكٸ, اۆسترالييا ورتالىق بانكٸ ستاۆكالاردى تٷسٸردٸ. ۆيرۋستىڭ قىتايدان تىس جەرگە تارالۋى ينۆەستورلاردىڭ دامۋشى ەلدەردٸڭ ەكونوميكاسىنان كەتۋٸنە ىقپال ەتتٸ. بۇل احۋال قازاقستان ەكونوميكاسىنا دا ەسەر ەتتٸ», - دەدٸ ەلييا مولدابەكوۆا.
تەڭگەنٸڭ ايىرباس كۋرسى - سىرتقى شوكتاردان اۆتوماتتى تٷردە تۇراقتاندىراتىن فاكتور.
قاڭتاردا مۇناي باررەلٸنٸڭ قۇنى 60-تان 50-گە تٷسٸپ كەتتٸ. رۋبل اقپاندا 4,5%-عا, يندونەزييالىق رۋپيي 4,9%-عا ەلسٸرەدٸ. مەكسيكا, تٷركييا, برازيلييا, وار ۆاليۋتالارى 4,9%-عا كەمٸدٸ.
يندونەزييا مەن برازيلييا ورتالىق بانكتەرٸ ۆاليۋتالىق ينتەرۆەنتسييا ٶتكٸزگەنٸن حابارلادى.
«تەڭگە بٸر ايدا 0,6%-عا ازايدى. سەبەبٸ, اقپان سالىق تٶلەيتٸن ۋاقىت. ەكسپورتەرلەردٸڭ قارجىسى تەڭگەنٸ كٶتەرٸپ تۇردى», - دەدٸ تٶراعا ورىنباسارى.
الايدا, سالىق تٶلەمٸنەن سوڭ تەڭگەنٸڭ جاعدايى جاقسارعان جوق.
«24-28 اقپان ارالىعىندا مۇناي باررەلٸنٸڭ قۇنى 57-دەن 50,5-كە تٷستٸ, 11%-عا ارزاندادى. مۇنىڭ بارلىعى اقشا نارىعىنداعى شەتەلدٸك ۆاليۋتاعا سۇرانىستى ارتتىردى. ۆاليۋتا نارىعىنداعى جاعدايدى تۇراقتاندىرۋ ٷشٸن ۇلتتىق بانك اقپاننىڭ سوڭعى كٷندەرٸ ۆاليۋتالىق ينتەرۆەنتسييا جاسادى», - دەدٸ ەلييا مولدابەكوۆا.
ۇلتتىق بانك اقپان ايىندا $94,8 ملن ساتتى.
