2019 jyly tólem kartochkalaryn paidalana otyryp júrgizilgen tranzaktsiialar sany 2018 jylǵy sáikes kórsetkishten eki esege jýyq asyp, 1,6 mlrd birlikti qurady, dep habarlaidy Ulttyq banktiń baspasóz qyzmeti.
Osy operatsiialardyń kólemi 2018 jylǵy derekterden 52%-ǵa asyp, 30,4 tlrn teńgeni qurady.
«Kartochkalyq operatsiialardyń negizgi úlesi – qolma-qol aqshasyz tólemder men aqsha aýdarymdary. 2019 jyldyń qorytyndysy boiynsha tólem kartochkalarymen júrgizilgen tórt operatsiianyń árbir úsheýi qolma-qol aqshasyz tásilmen júrgizildi. Bul rette, 2019 jylǵy qyrkúiekte qolma-qol aqshasyz operatsiialardyń ai saiynǵy kólemi aqshany alý boiynsha operatsiialar kórsetkishinen alǵash ret asty», - dedi Ulttyq Banktiń Tólem júieleri departamentiniń basshysy Erlan Ashyqbekov.
2019 jyly qazaqstandyq emitentterdiń tólem kartochkalaryn paidalana otyryp júzege asyrylǵan qolma-qol aqshasyz jasalatyn tólemder men aqsha aýdarymdarynyń jalpy sany jáne kólemi 2 eseden asa ósip,14,1 trln teńge somasyna 1,2 mlrd tranzaktsiiany qurady.
Bank qyzmetterin tsifrlandyrý deńgeiiniń ósýimen halyqtyń onlain tólemder men aqsha aýdarymdaryn júrgizýge qyzyǵýshylyǵynyń ósýi baiqalady. 2019 jyldyń qorytyndysy boiynsha bankterdiń internet/mobildik servisterinde 19,7 mln paidalanýshy tirkeldi, onyń ishinde paidalanýshylardyń ortasha alǵanda 36%-y bankterdiń onlain servisterin turaqty paidalanǵan.
Tiisinshe, qolma-qol aqshasyz operatsiialardyń negizgi úlesi onlain tásilmen: 9 988,2 mlrd teńge somasyna 629,2 mln onlain operatsiia júrgizildi. Bul qolma-qol aqshasyz tólemder men aýdarymdardyń jalpy sanynyń 52,6%-yn, kóleminiń 71,1%-yn ielenedi.
Osylaisha, árbir ekinshi qolma-qol aqshasyz tranzaktsiia bankterdiń internet/mobildik servisteri arqyly júrgizildi. Mundai operatsiianyń ortasha somasy 15 874 teńgeni qurady.
