2019 جىلى تٶلەم كارتوچكالارىن پايدالانا وتىرىپ جٷرگٸزٸلگەن ترانزاكتسييالار سانى 2018 جىلعى سەيكەس كٶرسەتكٸشتەن ەكٸ ەسەگە جۋىق اسىپ, 1,6 ملرد بٸرلٸكتٸ قۇرادى, دەپ حابارلايدى ۇلتتىق بانكتٸڭ باسپاسٶز قىزمەتٸ.
وسى وپەراتسييالاردىڭ كٶلەمٸ 2018 جىلعى دەرەكتەردەن 52%-عا اسىپ, 30,4 تلرن تەڭگەنٸ قۇرادى.
«كارتوچكالىق وپەراتسييالاردىڭ نەگٸزگٸ ٷلەسٸ – قولما-قول اقشاسىز تٶلەمدەر مەن اقشا اۋدارىمدارى. 2019 جىلدىڭ قورىتىندىسى بويىنشا تٶلەم كارتوچكالارىمەن جٷرگٸزٸلگەن تٶرت وپەراتسييانىڭ ەربٸر ٷشەۋٸ قولما-قول اقشاسىز تەسٸلمەن جٷرگٸزٸلدٸ. بۇل رەتتە, 2019 جىلعى قىركٷيەكتە قولما-قول اقشاسىز وپەراتسييالاردىڭ اي سايىنعى كٶلەمٸ اقشانى الۋ بويىنشا وپەراتسييالار كٶرسەتكٸشٸنەن العاش رەت استى», - دەدٸ ۇلتتىق بانكتٸڭ تٶلەم جٷيەلەرٸ دەپارتامەنتٸنٸڭ باسشىسى ەرلان اشىقبەكوۆ.
2019 جىلى قازاقستاندىق ەميتەنتتەردٸڭ تٶلەم كارتوچكالارىن پايدالانا وتىرىپ جٷزەگە اسىرىلعان قولما-قول اقشاسىز جاسالاتىن تٶلەمدەر مەن اقشا اۋدارىمدارىنىڭ جالپى سانى جەنە كٶلەمٸ 2 ەسەدەن اسا ٶسٸپ,14,1 ترلن تەڭگە سوماسىنا 1,2 ملرد ترانزاكتسييانى قۇرادى.
بانك قىزمەتتەرٸن تسيفرلاندىرۋ دەڭگەيٸنٸڭ ٶسۋٸمەن حالىقتىڭ ونلاين تٶلەمدەر مەن اقشا اۋدارىمدارىن جٷرگٸزۋگە قىزىعۋشىلىعىنىڭ ٶسۋٸ بايقالادى. 2019 جىلدىڭ قورىتىندىسى بويىنشا بانكتەردٸڭ ينتەرنەت/موبيلدٸك سەرۆيستەرٸندە 19,7 ملن پايدالانۋشى تٸركەلدٸ, ونىڭ ٸشٸندە پايدالانۋشىلاردىڭ ورتاشا العاندا 36%-ى بانكتەردٸڭ ونلاين سەرۆيستەرٸن تۇراقتى پايدالانعان.
تيٸسٸنشە, قولما-قول اقشاسىز وپەراتسييالاردىڭ نەگٸزگٸ ٷلەسٸ ونلاين تەسٸلمەن: 9 988,2 ملرد تەڭگە سوماسىنا 629,2 ملن ونلاين وپەراتسييا جٷرگٸزٸلدٸ. بۇل قولما-قول اقشاسىز تٶلەمدەر مەن اۋدارىمداردىڭ جالپى سانىنىڭ 52,6%-ىن, كٶلەمٸنٸڭ 71,1%-ىن يەلەنەدٸ.
وسىلايشا, ەربٸر ەكٸنشٸ قولما-قول اقشاسىز ترانزاكتسييا بانكتەردٸڭ ينتەرنەت/موبيلدٸك سەرۆيستەرٸ ارقىلى جٷرگٸزٸلدٸ. مۇنداي وپەراتسييانىڭ ورتاشا سوماسى 15 874 تەڭگەنٸ قۇرادى.
