Foto: Instagram.com
Qazaqstan Ulttyq banki aqsha-kredit saiasaty týraly kezekti baiandamasyn jariialady. Qujatta sheteldik juldyzdardyń Astana men Almatyda ótken kontsertteri eldegi qoǵamdyq tamaqtaný salasynyń tabysyna oń áser etkeni atap ótildi, dep habarlaidy Ult.kz.
Ulttyq bank halyqaralyq tájiribede iri mádeni sharalardyń jekelegen qalalardaǵy ekonomikalyq belsendilikti jandandyratyn faktor retinde qarastyrylatynyn eske salady.
«Qazaqstanda da osyndai áserler oryn alýy múmkin. Mysaly, 2025 jyldyń úshinshi toqsanynda Astana men Almatyda Djennifer Lopes pen Backstreet Boys siiaqty álemdik deńgeidegi oryndaýshylardyń kontsertteri ótkizilip, bul jergilikti tutynýshylyq belsendiliktiń artýyna yqpal etýi múmkin», – delingen baiandamada.
UB baǵalaýynsha, juldyzdardyń kontsertteri qoǵamdyq tamaqtaný qyzmetteriniń kólemin 5–11% aralyǵynda ulǵaitqan. Eń joǵary ósim Astanada baiqaldy – shamamen 8,4%.
Backstreet Boys tobynyń Astanadaǵy kontserti qoǵamdyq tamaqtaný qyzmetteriniń ǵana emes, bólshek saýda ainalymynyń da kóterilýine áser etken.
Eske sala keteiik, Djennifer Lopes 1 tamyzda Astanada, 10 tamyzda Almatyda óner kórsetti. Al Backstreet Boys tobynyń kontsertteri 19 qyrkúiekte Almatyda, 21 qyrkúiekte Astanada ótti.
Buǵan deiin Almaty ákimdigi Djennifer Lopestiń kontsertinen qansha tabys túskenin jariialaǵan.
