Aqmola oblysynyń Shýchinsk qalasynda 23 jastaǵy turǵyn áskeri bilet alyp berýge ýáde etken tanysyna 1,3 million teńge berip, aldanyp qalǵan. Alaida aqshasyn qaitarýdy talap etip, politsiiaǵa shaǵymdanǵan azamattyń óziniń de áreketi quqyqtyq baǵalaýǵa alynýy múmkin, dep habarlaidy ult.kz.
Aqmola oblystyq politsiia departamentiniń málimetinshe, oqiǵa biyl mamyr aiynda bolǵan. Qala turǵyny tanysyna áskeri bilet rásimdeýge kómekteskeni úshin 1,3 million teńge bergen. Biraq birneshe ai ótse de, ýáde oryndalmai, aqshasy qaitarylmaǵan. Amaly taýsylǵan er adam politsiiaǵa aryzdanǵan.
Atalǵan derek boiynsha alaiaqtyq baby negizinde qylmystyq is qozǵaldy. Kúdiktiniń jeke basy anyqtalyp, qajetti tergeý áreketteri júrgizilip jatyr.
Sonymen qatar politsiia aryzdanýshynyń áreketterinen de zań buzýshylyq belgileriniń bar-joǵyn teksermek. Iaǵni, áskeri biletti zańda belgilengen tártipti ainalyp ótip alýǵa árekettengeni anyqtalsa, onyń ózi de jaýapkershilikke tartylýy múmkin.
Quqyq qorǵaý organdary azamattardy resmi qujattardy zańsyz jolmen rásimdep berýge ýáde etetin deldaldarǵa senbeýge shaqyrdy. Mundai usynystarǵa aldanyp, aqsha joǵaltýmen qatar, zań aldynda jaýap berý qaýpi de bar.
