اقمولا وبلىسىنىڭ ششۋچينسك قالاسىندا 23 جاستاعى تۇرعىن ەسكەري بيلەت الىپ بەرۋگە ۋەدە ەتكەن تانىسىنا 1,3 ميلليون تەڭگە بەرٸپ, الدانىپ قالعان. الايدا اقشاسىن قايتارۋدى تالاپ ەتٸپ, پوليتسيياعا شاعىمدانعان ازاماتتىڭ ٶزٸنٸڭ دە ەرەكەتٸ قۇقىقتىق باعالاۋعا الىنۋى مٷمكٸن, دەپ حابارلايدى ult.kz.
اقمولا وبلىستىق پوليتسييا دەپارتامەنتٸنٸڭ مەلٸمەتٸنشە, وقيعا بيىل مامىر ايىندا بولعان. قالا تۇرعىنى تانىسىنا ەسكەري بيلەت رەسٸمدەۋگە كٶمەكتەسكەنٸ ٷشٸن 1,3 ميلليون تەڭگە بەرگەن. بٸراق بٸرنەشە اي ٶتسە دە, ۋەدە ورىندالماي, اقشاسى قايتارىلماعان. امالى تاۋسىلعان ەر ادام پوليتسيياعا ارىزدانعان.
اتالعان دەرەك بويىنشا الاياقتىق بابى نەگٸزٸندە قىلمىستىق ٸس قوزعالدى. كٷدٸكتٸنٸڭ جەكە باسى انىقتالىپ, قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر.
سونىمەن قاتار پوليتسييا ارىزدانۋشىنىڭ ەرەكەتتەرٸنەن دە زاڭ بۇزۋشىلىق بەلگٸلەرٸنٸڭ بار-جوعىن تەكسەرمەك. ياعني, ەسكەري بيلەتتٸ زاڭدا بەلگٸلەنگەن تەرتٸپتٸ اينالىپ ٶتٸپ الۋعا ەرەكەتتەنگەنٸ انىقتالسا, ونىڭ ٶزٸ دە جاۋاپكەرشٸلٸككە تارتىلۋى مٷمكٸن.
قۇقىق قورعاۋ ورگاندارى ازاماتتاردى رەسمي قۇجاتتاردى زاڭسىز جولمەن رەسٸمدەپ بەرۋگە ۋەدە ەتەتٸن دەلدالدارعا سەنبەۋگە شاقىردى. مۇنداي ۇسىنىستارعا الدانىپ, اقشا جوعالتۋمەن قاتار, زاڭ الدىندا جاۋاپ بەرۋ قاۋپٸ دە بار.
