Qazaqstanda Respýblika kúni qarsańynda Republic Day jáne Bereke Fest aktsiialaryn qamtityn jalpyulttyq merekelik jeńildikter naýqany bastaldy. Oǵan 17 qazannan elimiz boiynsha 649 saýda nysany qosyldy. Republic Day aktsiiasy iri saýda oiyn-saýyq ortalyqtary men saýda keshenderinde ótse, Bereke Fest saýda jelilerin qamtidy, dep habarlaidy ult.kz.
Tutynýshylar úshin azyq-túlik jáne azyq-túlikke jatpaityn taýarlarǵa arnaiy baǵalar qoiylǵan. Merekelik usynystar 27 qazanǵa (qosa alǵanda) deiin jalǵasady. Taýarlardyń jekelegen sanattaryna 50%-ǵa deiin jeńildik qarastyrylǵan. Jalpy jeńildik mólsheri taýar assortimenti men aktsiiaǵa qatysýshy saýda uiymdarynyń sharttaryna bailanysty.
Republic Day aktsiiasy aiasynda 232 saýda-oiyn-saýyq ortalyǵy men saýda úii jeńildikter usynady. Olardyń qatarynda Astanadaǵy MEGA Silk Way jáne «Han Shatyr», Almatydaǵy MEGA Alma-Ata, MEGA Park pen Forum Almaty, sondai-aq Shymkenttegi Mega Planet pen Shymkent Plaza bar.
Bereke Fest aktsiiasyna bólshek saýda jelileriniń 417 dúkeni qosyldy. Olardyń qatarynda Magnum, SMALL, «Astyqjan» jáne GraMad bar. Merekelik usynystar elimizdiń basqa óńirlerindegi saýda nysandarynda da qoljetimdi.
Bul aktsiialar tutynýshylardyń belsendiligin arttyryp, ishki saýdany damytýǵa baǵyttalǵan. Sondai-aq merekelik naýqan taýarlardy tómendetilgen baǵamen satyp alý múmkindigimen qatar, saýda uiymdaryna kelýshiler sanyn men satý kólemin arttyrýǵa, al otandyq óndirýshilerge bólshek saýda jelilerindegi ónim úlesin ulǵaitýǵa múmkindik beredi.
Jalpyulttyq naýqandy Qazaqstan Respýblikasynyń Saýda jáne integratsiia ministrligi jergilikti atqarýshy organdarmen birlesip uiymdastyrdy. Aktsiiaǵa qatysýshy saýda nysandarynyń mekenjailary kórsetilgen tolyq tizimi ákimdikterdiń resmi internet-resýrstarynda kórsetilgen. Jeńildikter mólsheri, taýar assortimenti jáne satyp alý sharttary týraly aqparatty saýda uiymdary jariialaidy.
Merekelik aktsiialar 2026 jylǵy 27 qazanda aiaqtalady.
