قازاقستاندا رەسپۋبليكا كٷنٸ قارساڭىندا Republic Day جەنە Bereke Fest اكتسييالارىن قامتيتىن جالپىۇلتتىق مەرەكەلٸك جەڭٸلدٸكتەر ناۋقانى باستالدى. وعان 17 قازاننان ەلٸمٸز بويىنشا 649 ساۋدا نىسانى قوسىلدى. Republic Day اكتسيياسى ٸرٸ ساۋدا ويىن-ساۋىق ورتالىقتارى مەن ساۋدا كەشەندەرٸندە ٶتسە, Bereke Fest ساۋدا جەلٸلەرٸن قامتيدى, دەپ حابارلايدى ult.kz.
تۇتىنۋشىلار ٷشٸن ازىق-تٷلٸك جەنە ازىق-تٷلٸككە جاتپايتىن تاۋارلارعا ارنايى باعالار قويىلعان. مەرەكەلٸك ۇسىنىستار 27 قازانعا (قوسا العاندا) دەيٸن جالعاسادى. تاۋارلاردىڭ جەكەلەگەن ساناتتارىنا 50%-عا دەيٸن جەڭٸلدٸك قاراستىرىلعان. جالپى جەڭٸلدٸك مٶلشەرٸ تاۋار اسسورتيمەنتٸ مەن اكتسيياعا قاتىسۋشى ساۋدا ۇيىمدارىنىڭ شارتتارىنا بايلانىستى.
Republic Day اكتسيياسى اياسىندا 232 ساۋدا-ويىن-ساۋىق ورتالىعى مەن ساۋدا ٷيٸ جەڭٸلدٸكتەر ۇسىنادى. ولاردىڭ قاتارىندا استاناداعى MEGA Silk Way جەنە «حان شاتىر», الماتىداعى MEGA Alma-Ata, MEGA Park پەن Forum Almaty, سونداي-اق شىمكەنتتەگٸ Mega Planet پەن Shymkent Plaza بار.
Bereke Fest اكتسيياسىنا بٶلشەك ساۋدا جەلٸلەرٸنٸڭ 417 دٷكەنٸ قوسىلدى. ولاردىڭ قاتارىندا Magnum, SMALL, «استىقجان» جەنە GraMad بار. مەرەكەلٸك ۇسىنىستار ەلٸمٸزدٸڭ باسقا ٶڭٸرلەرٸندەگٸ ساۋدا نىساندارىندا دا قولجەتٸمدٸ.
بۇل اكتسييالار تۇتىنۋشىلاردىڭ بەلسەندٸلٸگٸن ارتتىرىپ, ٸشكٸ ساۋدانى دامىتۋعا باعىتتالعان. سونداي-اق مەرەكەلٸك ناۋقان تاۋارلاردى تٶمەندەتٸلگەن باعامەن ساتىپ الۋ مٷمكٸندٸگٸمەن قاتار, ساۋدا ۇيىمدارىنا كەلۋشٸلەر سانىن مەن ساتۋ كٶلەمٸن ارتتىرۋعا, ال وتاندىق ٶندٸرۋشٸلەرگە بٶلشەك ساۋدا جەلٸلەرٸندەگٸ ٶنٸم ٷلەسٸن ۇلعايتۋعا مٷمكٸندٸك بەرەدٸ.
جالپىۇلتتىق ناۋقاندى قازاقستان رەسپۋبليكاسىنىڭ ساۋدا جەنە ينتەگراتسييا مينيسترلٸگٸ جەرگٸلٸكتٸ اتقارۋشى ورگاندارمەن بٸرلەسٸپ ۇيىمداستىردى. اكتسيياعا قاتىسۋشى ساۋدا نىساندارىنىڭ مەكەنجايلارى كٶرسەتٸلگەن تولىق تٸزٸمٸ ەكٸمدٸكتەردٸڭ رەسمي ينتەرنەت-رەسۋرستارىندا كٶرسەتٸلگەن. جەڭٸلدٸكتەر مٶلشەرٸ, تاۋار اسسورتيمەنتٸ جەنە ساتىپ الۋ شارتتارى تۋرالى اقپاراتتى ساۋدا ۇيىمدارى جارييالايدى.
مەرەكەلٸك اكتسييالار 2026 جىلعى 27 قازاندا اياقتالادى.
