فوتو: Instagram.com
قازاقستان ۇلتتىق بانكٸ اقشا-كرەديت ساياساتى تۋرالى كەزەكتٸ بايانداماسىن جارييالادى. قۇجاتتا شەتەلدٸك جۇلدىزداردىڭ استانا مەن الماتىدا ٶتكەن كونتسەرتتەرٸ ەلدەگٸ قوعامدىق تاماقتانۋ سالاسىنىڭ تابىسىنا وڭ ەسەر ەتكەنٸ اتاپ ٶتٸلدٸ, دەپ حابارلايدى Ult.kz.
ۇلتتىق بانك حالىقارالىق تەجٸريبەدە ٸرٸ مەدەني شارالاردىڭ جەكەلەگەن قالالارداعى ەكونوميكالىق بەلسەندٸلٸكتٸ جانداندىراتىن فاكتور رەتٸندە قاراستىرىلاتىنىن ەسكە سالادى.
«قازاقستاندا دا وسىنداي ەسەرلەر ورىن الۋى مٷمكٸن. مىسالى, 2025 جىلدىڭ ٷشٸنشٸ توقسانىندا استانا مەن الماتىدا دجەننيفەر لوپەس پەن Backstreet Boys سيياقتى ەلەمدٸك دەڭگەيدەگٸ ورىنداۋشىلاردىڭ كونتسەرتتەرٸ ٶتكٸزٸلٸپ, بۇل جەرگٸلٸكتٸ تۇتىنۋشىلىق بەلسەندٸلٸكتٸڭ ارتۋىنا ىقپال ەتۋٸ مٷمكٸن», – دەلٸنگەن باياندامادا.
ۇب باعالاۋىنشا, جۇلدىزداردىڭ كونتسەرتتەرٸ قوعامدىق تاماقتانۋ قىزمەتتەرٸنٸڭ كٶلەمٸن 5–11% ارالىعىندا ۇلعايتقان. ەڭ جوعارى ٶسٸم استانادا بايقالدى – شامامەن 8,4%.
Backstreet Boys توبىنىڭ استاناداعى كونتسەرتٸ قوعامدىق تاماقتانۋ قىزمەتتەرٸنٸڭ عانا ەمەس, بٶلشەك ساۋدا اينالىمىنىڭ دا كٶتەرٸلۋٸنە ەسەر ەتكەن.
ەسكە سالا كەتەيٸك, دجەننيفەر لوپەس 1 تامىزدا استانادا, 10 تامىزدا الماتىدا ٶنەر كٶرسەتتٸ. ال Backstreet Boys توبىنىڭ كونتسەرتتەرٸ 19 قىركٷيەكتە الماتىدا, 21 قىركٷيەكتە استانادا ٶتتٸ.
بۇعان دەيٸن الماتى ەكٸمدٸگٸ دجەننيفەر لوپەستٸڭ كونتسەرتٸنەن قانشا تابىس تٷسكەنٸن جارييالاعان.
