Ulttyq bank dezinfliatsiialyq aqsha-kredit saiasatyn júrgizýdi jalǵastyrady. Bul týraly Úkimettiń keńeitilgen otyrysynda QR Ulttyq bankiniń tóraǵasy Ǵalymjan Pirmatov aitty, dep habarlaidy QazAqparat.
«Úkimetpen birlesken sharalardy iske asyrý nátijesinde 2021 jyldyń qorytyndysy boiynsha infliatsiia qyrkúiek-qazan ailaryndaǵy eń joǵary 8,9 paiyzdan 8,4 paiyzǵa deiin baiaýlady. Alaida, bazalyq infliatsiianyń traektoriiasy infliatsiia baiaýlaýynyń áli de turaqsyz ekenin kórsetedi. Biylǵy qańtarda infliatsiianyń taǵy 8,5 paiyzǵa deiin jedeldeýi osyny dáleldeidi», - dedi UB tóraǵasy.
Onyń atap ótýinshe, infliatsiia protsesteriniń ornyqsyzdyǵyn baiqai otyryp, Ulttyq bank osy jylǵy 24 qańtarda bazalyq stavkany 10,25 paiyzǵa deiin 50 bazalyq tarmaqqa kóterdi.
Bul infliatsiiany biylǵy jyldyń sońyna qarai boljanatyn 6-6,5 paiyz dálizine qaitarýǵa yqpal etetin bolady.
«Ulttyq bank kelesi boljamdyq raýndynyń aiasynda naýryz aiynda 2022 jylǵa arnalǵan infliatsiia boljamyn ózektendiredi. Baǵanyń ósýin odan ári tómendetý úshin Ulttyq bank dezinfliatsiialyq aqsha-kredit saiasatyn júrgizýdi jalǵastyrady. Ol Úkimet tarapynan taýar naryqtaryndaǵy disbalanstarǵa jol bermeýge baǵyttalǵan júieli sharalarmen qatar oryndalýy tiis», - dedi Ǵalymjan Pirmatov.
