ۇلتتىق بانك دەزينفلياتسييالىق اقشا-كرەديت ساياساتىن جٷرگٸزۋدٸ جالعاستىرادى. بۇل تۋرالى ٷكٸمەتتٸڭ كەڭەيتٸلگەن وتىرىسىندا قر ۇلتتىق بانكٸنٸڭ تٶراعاسى عالىمجان پٸرماتوۆ ايتتى, دەپ حابارلايدى قازاقپارات.
«ٷكٸمەتپەن بٸرلەسكەن شارالاردى ٸسكە اسىرۋ نەتيجەسٸندە 2021 جىلدىڭ قورىتىندىسى بويىنشا ينفلياتسييا قىركٷيەك-قازان ايلارىنداعى ەڭ جوعارى 8,9 پايىزدان 8,4 پايىزعا دەيٸن باياۋلادى. الايدا, بازالىق ينفلياتسييانىڭ تراەكتوريياسى ينفلياتسييا باياۋلاۋىنىڭ ەلٸ دە تۇراقسىز ەكەنٸن كٶرسەتەدٸ. بيىلعى قاڭتاردا ينفلياتسييانىڭ تاعى 8,5 پايىزعا دەيٸن جەدەلدەۋٸ وسىنى دەلەلدەيدٸ», - دەدٸ ۇب تٶراعاسى.
ونىڭ اتاپ ٶتۋٸنشە, ينفلياتسييا پروتسەستەرٸنٸڭ ورنىقسىزدىعىن بايقاي وتىرىپ, ۇلتتىق بانك وسى جىلعى 24 قاڭتاردا بازالىق ستاۆكانى 10,25 پايىزعا دەيٸن 50 بازالىق تارماققا كٶتەردٸ.
بۇل ينفلياتسييانى بيىلعى جىلدىڭ سوڭىنا قاراي بولجاناتىن 6-6,5 پايىز دەلٸزٸنە قايتارۋعا ىقپال ەتەتٸن بولادى.
«ۇلتتىق بانك كەلەسٸ بولجامدىق راۋندىنىڭ اياسىندا ناۋرىز ايىندا 2022 جىلعا ارنالعان ينفلياتسييا بولجامىن ٶزەكتەندٸرەدٸ. باعانىڭ ٶسۋٸن ودان ەرٸ تٶمەندەتۋ ٷشٸن ۇلتتىق بانك دەزينفلياتسييالىق اقشا-كرەديت ساياساتىن جٷرگٸزۋدٸ جالعاستىرادى. ول ٷكٸمەت تاراپىنان تاۋار نارىقتارىنداعى ديسبالانستارعا جول بەرمەۋگە باعىتتالعان جٷيەلٸ شارالارمەن قاتار ورىندالۋى تيٸس», - دەدٸ عالىمجان پٸرماتوۆ.
