QR Ulttyq banki bazalyq mólsherlemeni 13,5%-ǵa deiin kóterdi, dep habarlaidy "Ult aqparat".
«Qazaqstan Respýblikasy Ulttyq Bankiniń Aqsha-kredit saiasaty jónindegi komiteti bazalyq mólsherlemeni +/-1,00 p.t. paiyzdyq dálizimen 13,5% deńgeiinde belgileý týraly kezekten tys sheshim qabyldady. Sheshim 24 aqpanda kúshine enedi» delingen QR Ulttyq banki taratqan habarlamada.
Aita keteiik, 24 qańtarda Ulttyq bank bazalyq mólsherlemeni jyldyq 10,25 paiyz dep belgilegen edi.
Bazalyq mólsherleme - aqsha naryǵyndaǵy nominaldy paiyzdyq mólsherlemeni retteýge múmkindik beretin Ulttyq banktiń aqsha-nesie saiasatynyń negizgi quraly. Bazalyq mólsherleme deńgeiin belgilep, retteýshi merzimdi kezeńde baǵa turaqtylyǵyn qamtamasyz etý jónindegi maqsatqa qol jetkizý úshin aqsha naryǵynyń qysqa merzimdi mólsherlemesiniń mánin aiqyndaidy.
Ulttyq bank bazalyq mólsherlemeni orta merzimdi kezeńde infliatsiia baǵdaryna qol jetkizýge múmkindik beretin deńgeide belgileidi.
