قر ۇلتتىق بانكٸ بازالىق مٶلشەرلەمەنٸ 13,5%-عا دەيٸن كٶتەردٸ, دەپ حابارلايدى "ۇلت اقپارات".
«قازاقستان رەسپۋبليكاسى ۇلتتىق بانكٸنٸڭ اقشا-كرەديت ساياساتى جٶنٸندەگٸ كوميتەتٸ بازالىق مٶلشەرلەمەنٸ +/-1,00 پ.ت. پايىزدىق دەلٸزٸمەن 13,5% دەڭگەيٸندە بەلگٸلەۋ تۋرالى كەزەكتەن تىس شەشٸم قابىلدادى. شەشٸم 24 اقپاندا كٷشٸنە ەنەدٸ» دەلٸنگەن قر ۇلتتىق بانكٸ تاراتقان حابارلامادا.
ايتا كەتەيٸك, 24 قاڭتاردا ۇلتتىق بانك بازالىق مٶلشەرلەمەنٸ جىلدىق 10,25 پايىز دەپ بەلگٸلەگەن ەدٸ.
بازالىق مٶلشەرلەمە - اقشا نارىعىنداعى نومينالدى پايىزدىق مٶلشەرلەمەنٸ رەتتەۋگە مٷمكٸندٸك بەرەتٸن ۇلتتىق بانكتٸڭ اقشا-نەسيە ساياساتىنىڭ نەگٸزگٸ قۇرالى. بازالىق مٶلشەرلەمە دەڭگەيٸن بەلگٸلەپ, رەتتەۋشٸ مەرزٸمدٸ كەزەڭدە باعا تۇراقتىلىعىن قامتاماسىز ەتۋ جٶنٸندەگٸ ماقساتقا قول جەتكٸزۋ ٷشٸن اقشا نارىعىنىڭ قىسقا مەرزٸمدٸ مٶلشەرلەمەسٸنٸڭ مەنٸن ايقىندايدى.
ۇلتتىق بانك بازالىق مٶلشەرلەمەنٸ ورتا مەرزٸمدٸ كەزەڭدە ينفلياتسييا باعدارىنا قول جەتكٸزۋگە مٷمكٸندٸك بەرەتٸن دەڭگەيدە بەلگٸلەيدٸ.
