QR Ulttyq bankiniń jeltoqsan aiyndaǵy altynvaliýta qory 3,5% tómendegen, dep habarlaidy QazAqparat.
Aldyn ala derekter boiynsha, Ulttyq banktiń jalpy halyqaralyq rezervteri bir jyl burynǵy kórsetkishten 3,1% tómendep, 34,4 mlrd dollar bolǵan. Iaǵni, eldiń altynvaliýta qory jyl basynan beri 3,5% tómendegen.
«Altynvaliýta rezervteriniń tómendeýi memlekettik boryshty tóleýden, Úkimet pen Ulttyq bank klientteriniń korrespondenttik operatsiialarynan, sondai-aq valiýtalyq interventsiialar esebinen boldy», - dep jazady Ulttyq bank saity.
Aldyn ala derekter boiynsha, Ulttyq qordyń shetel valiýtasyndaǵy aktivterin qosqanda (55,3 mlrd AQSh dollary) eldiń jalpy halyqaralyq rezervteri jeltoqsannyń sońynda 89,7 mlrd dollar bolǵan.
«2021 jyldyń jeltoqsan aiynda aqsha bazasy 4,6% keńeiip, 10 957,7 mlrd teńgeni qurady. Bul jyl basyndaǵy jaǵdaidan 12,1% artyq. Al ekinshi deńgeidegi bankterdiń Ulttyq banktegi merzimdi depozitterin eseptemegendegi aqsha bazasy 12,9% nemese 6 945,4 mlrd teńgege deiin keńeidi. Bul jyl basyndaǵy jaǵdaimen salystyrǵanda 36,5% artyq», - delingen málimette.
Qorytyndylasaq, 2021 jyldyń aiaǵyna qarai eldegi aqsha massasy 4,9% ósip, 30 099,3 mlrd teńge bolǵan. Bul jyl basnydaǵy jaǵdaidan 20,8% artyq degen sóz. Al ainalystaǵy qolma-qol aqsha 2 997,7 mlrd teńgege deiin jetken nemese jyl basynan beri 6,0%ósken.
